‘ධම්මපද සුගායන රියැලිටි තරගාවලියක් ’ සබරගමු පළාත් ප්රධාන අමාත්‍ය මහීපාල හේරත් සහ පළාත් ආණ්ඩුකාර වි.ජ.මු ලොකුබණ්ඩාර යන මහත්වරුන්ගේ මූලිකත්වයෙන් සබරගමුව පළාත් සභාව විසින් සංවිධානය කර තිබේ.
උඩක්කුව - මදුරන්කුලිය මාර්ගයේ කනමුලේ මුස්ලිම් විදුහල ඉදිරිපිට සිදු වූ යතුරු පැදි අනතුරකින් බරපතල තුවාල ලැබූ 16 හැවිරිදි පාසල් සිසුවෙකු කොළඹ ජාතික රෝහල වෙත රැගෙන එමින් සිටියදී මියගොස් ඇත.
‘පෝෂණ සතිය' වැඩ සටහන යටතේ රටපුරා පාසැල්වල පාර්ලිමේන්තු මන්ත්‍රී නාමල් රාජපක්ෂගේ ප්‍රධානත්වයෙන් ක්‍රියාත්මක වන රග්බි ක්‍රීඩාව හඳුන්වාදීමේ වැඩසටහනක් ඊයේ (31) උදෑසන කොළඹ සිරිමාවෝ බණ්ඩාරනායක විද්‍යාලයේදී පැවති අවස්ථාවේදී, ශිෂ්‍යාවන් හූ හඬ නගමින් සංග්‍රහ කර ඇති බව වාර්තා වේ.
දෙහිවල ජාතික සත්ත්වෝද්‍යානයෙ චීන රජයට දුර්ලභ කුරුල්ලන් 16 දෙනෙකු පරිත්‍යාග කර තිබේ. ඒ අනුව ලතුවැකි පක්ෂීන් 16 දෙනෙකු ඉකුත් (29) දින චීනයට යැවූ බව එහි සහකාර අධ්‍යක්ෂිකා අනෝමා ප්‍රියදර්ශනී මහත්මිය පැවසුවාය.
'උතුරෙන් හමුවූ විදේශ අවි ආයුධ ගැන ප්‍රචාරය නොකරන්න' -කෙහෙළිය
යුද්ධය පැවැති අවස්ථාවේ උතුරේ ත්‍රස්ත කඳවුරුවල තිබී හමුවූ විදේශ රටවල නිෂ්පාදිත විවිධ උපකරණ පිළිබඳ තොරතුරු මාධ්‍ය මඟින් ප්‍රචාරය නොකරන්නැයි විදේශ තාතාපතිවරුන් කිහිපදෙනකු තමන් වෙත පැමිණ ඉල්ලා සිටි බව කැබිනට් ප්‍රකාශක, ජනමාධ්‍ය හා ප්‍රවෘත්ති ඇමැති කෙහෙළිය රඹුක්වැල්ල මහතා පැවසිය.
හෙළයේ විචිත්‍රවත් කලා මංගල්‍යය ලා සැලකෙන මහනුවර ඇසළ පෙරහර මංගල්‍යයේ පළමු කුඹල් පෙරහර අද (01) දින සුබ මොහොතින් වීදී සංචාරය කරයි.
