යුක්තිය සාධාරණය උදෙසා මාධ්‍යකින් සිදුවන මෙහවර අපරිමිත වනවා සේම යම් අවස්ථාවල එම මෙහෙවර අයුතු ලෙස භාවිතා වීමක් සිදුවීම කණගාටු දායක තත්වයකි. කොල්ලුපිටියේ සුපිරි ගණිකා නිවාසය වැටලීම වීඩියෝ සහිතව ලොවටම ප්‍රදර්ශනය කිරීම තුළ එය පැහැදිලි වේ. මෙම තරුණියන්ගේ රූප ප්‍රදර්ශනය කිරීම කිසිසේත් අනුමත කළ නොහැකිය. මන්ද ගණිකා සේවයේ නියුතු තරුණ තරුණියන්ගේ රූප ඉදිරිපත් කිරීමට නොපැකිලව කටයුතු කළ මාධ්‍ය එම තත්වයට මග පෑදූවන්ගේ මුහුණු සැගවා අැති බැවිනි. මක් නිසාද යත් මෙවැනි නිවාස පවත්වාගෙන යා හැක්කේ සමාජය ඉදිරියේ බැටළු හම් පොරවා ගත් වෘකයන් ලෙසින් පෙනී සිටින ශුද්ධවන්තයින්ගේ ඇල්ම බැල්ම වැටුණහොත් පමණක් වන බැවිනි.

දුරකථන ජාලවලට සම්බන්ධ දුරකථන ඔස්සේ ඡන්ද විමසීමට තරග කරන අපේක්ෂකයන්ගේ පටිගත කළ දැන්වීම් හා ප්‍රචාරක කෙටි පණිවුඩ යැවීම නිදහස් හා සාධාරණ ඡන්ද විමසීමක් පැවැත්වීමට බාධාවකි.

ළමා අයිතිවාසිකම් ආරක්ෂා කොට සුරක්ෂිත කිරීම සඳහා ප්‍රතිඥා ලබාදෙන බවට සුපිරි ක්‍රිකට් ක්‍රීඩක මහේල ජයවර්ධන ඊයේ (16දා) ප්‍රතිඥා ලබාදුන්නේය.

ශ්‍රී ලංකාවේ සදර්න් එක්ස්ප්‍රස් කණ්ඩායම අතැර ඉන්දියාවේ මුම්බායි ඉන්දියන්ස් කණ්ඩායම හා එක්ව චැම්පියන්ස් ලීග තරගාවලියේ සුදුසුකම් ලැබීමේ තරග සඳහා එක්වූ ලසිත් මාලිංගටත් නැවතත් ශ්‍රී ලංකාව බලා පැමිණීමට සිදුව තිබේ.

07 හැවිරිදි සිය මිණිබිරිය දුෂණය කළ බව කියන 70 හැවිරිදි සියා කෙනෙකු මොරවක පොලිසිය විසින් අත්අඩංගුවට ගෙන ඇත.

කොළඹ වරාය නගරයේ ඉදිකිරීම් මීට නොබෝ වේලාවකට පෙර ආරම්භ කෙරුණි.

තමා රජයෙන් ඉවත් කිරීමට ඇතැම් බලවේග රහසිගතව ක්‍රියාත්මක වුවද එම කුමන්ත්‍රණ සාර්ථක නොවන බව පවසන ධීවර හා ජලජ සම්පත් අමාත්‍ය රාජිත සේනාරත්න මහතා, තමා ආණ්ඩුවෙන් ඉවත්ව නොයන නමුත් ගැනීමට ඇති සියලුම දේශපාලන තීන්දු ඇතුළේ ඉඳන්ම ගන්නා බවත් එම තීන්දු ගැනීමේදී නැතිවන්නේ මොනවාද යන්න සම්බන්ධයෙන් නොසිතන බවත් ආවධාරණය කර සිටී.