එක් ව්‍යාපෘතියකට රුපියල් ලක්ෂ 10 බැගින් වැය කරමින් සංවර්ධන ව්‍යාපෘති 55000 කට අධික ප්‍රමාණයක් ක්‍රියාත්මක කර තිබුණ ද ඒවා පිළිබඳ ජනතාව දැනුම්වත් වී නොසිටීම දැවැන්ත ඛේදවාචකයක් බව ව්‍යාපෘති කළමනාකරණ , තරුණ කටයුතු සහ දක්ෂිණ සංවර්ධන අමාත්‍ය සාගල රත්නායක මහතා ප්‍රකාශ කළේය.

අගමැති රනිල් වික්‍රමසිංහට එරෙහි විශ්වාසභංගය ජයග්‍රහණය කිරීමට සහය දෙන්නේ නම් නීතිය හා සාමය ඇමැති රංජිත් මද්දුම බණ්ඩාරට ලබා දීමට ජනාධිපතිවරයා එකඟ බව ශ්‍රීලනිපයේ ප්‍රබලයෙක් මද්දුම බණ්ඩාර මහතාට දැනුම් දී තිබූ බව ශ්‍රීලනීප දේශපාලන ආරංචි මාර්ග පවසයි.

අගමැති රනිල් වික්‍රමසිංහට එරෙහි විශ්වාසභංග යෝජනාව විවාදයට ගැනීම අප්‍රේල් 04 වන දිනට නියම කර ඇති අතර එදින රාත්‍රී 9.30 න් පසුව එම යෝජනාව සම්බන්ධයෙන් ඡන්ද විමසීම සිදු කිරීමට නියමිතය.

දුම්පානයට එරෙහිව රජය ගෙන යන වැඩ පිලිවෙලෙහි අතාර්කික කම නිසා දුම් පානය නිසාම රෝගී භාවයට පත්වන්නන්ගේ ප්‍රමාණය ඉදිරියේදී දරුණු ලෙස වැඩි වෙනු ඇති බවට අනතුරු හැඟවීම මේවන විටත් ලැබෙමින් පවතින බව ඒ සම්බන්ධයෙන් කෙරුණු සමීක්ෂණ වාර්තා පෙන්වා දෙයි.

අගමැති රනිල් වික්‍රමසිංහට එරෙහිව ඒකාබද්ධ විපක්ෂයේ මූලිකත්වයෙන් ගෙන ඒමට නියමිත විශ්වාසභංග යෝජනාව සම්මත වුවහොත් අගමැතිධුරය සඳහා මහින්ද රාජපක්ෂව නම් කිරීම ස්ථිර වශයෙන්ම ජනාධිපති මෛත්‍රීපාල සිරිසේනට සිදුවනු ඇති බව ඒකාබද්ධ විපක්ෂ තොරතුරු මාර්ග පවසයි. මේ වෙනුවෙන් ඇමැති නිමල් සිරිපාල හෝ දිනේෂ් ගුණවර්ධන පත් කළ යුතු බවට ශ්‍රීලනිපයෙන් යෝජනා ඉදිරිපත්ව තිබුණද එම අවදානම් සහගත පත් කිරීම් සිදු කිරීමට මහින්ද රාජපක්ෂ කිසිසේත් එකඟ වෙන්නේ නැති බවත් ඔවුන් පෙන්වා දෙයි.