ශ‍්‍රී ලංකාවේ මානව හිමිකම් කඩවීම සහ එල්ටීටීඊයට එරෙහිව සිදු කළ යුද්ධයේ අවසන් වකවානුවේ සිදු වූ යුද අපරාධ පිළිබඳ එක්සත් ජාතීන්ගේ මානව හිමිකම් කොමිසම විසින් සිදු කළ පරීක්ෂණයේ වාර්තාව ලෙස පවසමින් ව්‍යාජ වාර්තාවක් මහින්ද රාජපක්ෂ මහතාගේ මැතිවරණ ව්‍යාපාරයට සමගාමීව ප‍්‍රසිද්ධ කිරීමට එම කණ්ඩායම මේ වන විටත් කටයුතු සූදානම් කර තිබේ.
හිටපු ජනාධිපති මහින්ද රාජපක්ෂ මහතා නැවත බලයට ගෙන ඒම සඳහා චීන රජය දැඩි බලපෑමක් කරමින් සිටින බව දැනගැනීමට තිබේ. මේ වෙනුවෙන් චීන තානාපති කාර්යාලයේ දෙවන නිලධාරියා වන දේශපාලන අංශ ප‍්‍රධානී රෙන් ෆාකියන් මේ කටයුතු සම්බන්ධීකරණය කරමින් සිටී.
මැණික් හා ස්වර්ණාභරණ අධිකාරියේ එකොලොස් කෝටි තිස් ලක්ෂයක වංචාවක්
රජයේ මුදල් රෙගුලාසි උල්ලංඝනය කරමින් ජාතික මැණික් හා ස්වර්ණාභරණ අධිකාරියේ ගිණුමෙන් රුපියල් එකොළොස් කෝටි තිස්ලක්ෂ හයදහස් තුන්සිය දෙක (113,006,302 )ක මුදලක් වංචාකර තිබේ. මෙම මුදල් වංචනික ලෙස ලබාගෙන ඇත්තේ හිටපු ජනාධිපති මහින්ද රාජපක්ෂ, අමාත්‍ය සුසිල් පේ‍්‍රම්ජයන්ත්, අනුර ප‍්‍රියදර්ශන යාපා සහ පාර්ලිමේන්තු මන්ත්රී නාමල් රාජපක්ෂ විසිනි.
මැතිවරණයක් ප්‍රකාශයට පත් කර ඇති විට රජයේ කිසිදු නිළධාරියකුට ස්ථාන මාරූකිරීම් සිදු කළ නොහැකි මුත් පසුගියදා පොලිස්පතිවරයා විසින් ස්ථාන මාරූකිරීම් කිහිපයක් සිදු කෙරිනි එහිදී රාජකාරීම අවශ්‍යතා යනුවෙන් සාධාරණීකරණයක් කිරීමට උත්සහයක් ගත්තද මෙලෙස ඇතැම් මාරුකිරීම් සිදුකර අත්තේ දේශපාලන හිතවත්කම් මත බව හෙළිවේ.
ඉකුත් පාර්ලිමේන්තුවේ මන්ත්රී ධූර දැරූ ශ‍්‍රී ලංකා නිදහස් පක්ෂයේ කිහිපදෙනෙකුට මෙවර එක්සත් ජනතා නිදහස් සන්ධානයෙන් නාමයෝජනා නොලැබෙනු ඇතැයි දේශපාලන ආරංචි මාර්ග පවසයි. මේ අතර හිටපු අමාත්‍යවරුන් කිහිප දෙනකු මෙන්ම ප්‍රබල අමාත්‍යාංශ දෙකක අධීක්ෂණ මන්ත්රී ධුර දැරු මන්ත්‍රීවරුන් ද සිටින බව සන්ධාන ආරංචි මාර්ග පෙන්වා දෙයි.
ඉදිරියට ගලන එජාප ප්‍රවාහය ආපසු හැරවීමට හැකි ජගතකු නැති බවත්, බුද්ධි අංශ වාර්තා අනුව එජාපය මේ ඡන්දයෙන් නිසැකව ආසන 130 ක් ලබාගන්නා බවත් මහජන සාමය හා ආපදා කළමනාකරණ හා ක්‍රිස්තියානි කටයුතු ඇමැති ජෝන් අමරතුංග මහතා පවසයි.
