වත්මන් දේශපාලන අර්බුධයේ නිර්මාණය කළ උමතු පාලකයකු වන සිරිසේන ජනාධිපතිවරයාව ඉවත් කිරීම වෙනුවෙන් ජනාධිපතිවරණයක අවශ්‍යතාවය දැඩිව මතුව තිබේ. 

2018 නොවැම්බර් 14 වන දින පාර්ලිමේන්තුවේ කථානායකවරයාගේ ක්‍රියාකාරීත්වය පිළිබදව විවේචන දෙකක් එල්ලවිය එනම්,

1)- ස්ථාවර නියෝග අත්හිටුවීම නීති විරෝධිය 2) - හඩ අනුව ඡන්දය විමසා ප්‍රතිඵලය ප්‍රකාශ කිරීම වැරදිය. මෙම විවේචනයන් දෙක ස්ථාවර නියෝග අනුව අනුව සලකා බැලිය හැකිය

මෙරට ඉතිහාසයේ බලයට කෑදරම දේශපාලන නායකයා මහින්ද රාජපක්ෂ බව අද දිනයේදී ඔහු විසින්ම පාර්ලිමේන්තුව හමුවේ ඔප්පු කර සිටියේය.

අගමැති රනිල් වික්‍රමසිංහ මහතාට පාර්ලිමේන්තුවේ බහුතර බලය ඇති බවට දිවුරුම් පෙත්සම් මාර්ගයෙන් ජනාධිපතිවරයාට බාර දීමේ කටයුතු මේ වන විට සිදුවෙමින් පවතී. අද රාත්‍රියේම එම දිවුරුම් පෙත්සම් ජනාධිපතිවරයා අතටම පත් කිරීමට නියමිතය.

අද පාර්ලිමේන්තුවේ විශ්වාසභංග යෝජනාව සම්මත වීමෙන් පසුව එය කතානායකවරයා විසින් අවශ්‍ය කටයුතු සිදු කිරීම සඳහා යොමු කරන ලද ලිපියට සංශෝධනයක් කරන ලෙස ජනාධිපතිවරයා කතානායකවරයාට දැනුම් දී ඇත.