පාරිභෝගිකයන් භාණ්ඩ ලබා ගත් පසු ඇතැම් වෙළදසැල් වලින් ඉතිරි මුදල් ලබාදීමට මාරු කාසි නොමැති බැවින් ඒ වෙනුවට අමු මිරිස් කරල් ලබා දෙන බව වාර්තා වෙයි.
ඌව පළාත් සභාව සඳහා පැවැත්වෙන මැතිවරණයකදී බදුල්ල සහ මොනරාගල යන දිස්ත‍්‍රික්වලට මෙතෙක් තිබූ ආසන සංඛ්‍යා වෙනස් කිරීමට එරෙහිව එක්සත් ජාතික පක්ෂය ගොනුකර තිබූ පෙත්සමක් ශ්‍රේෂ්ඨාධිකරණය අද (24) ප‍්‍රතික්ෂේප කළේය.
රජයේ වෛද්‍ය නිලධරයන්ගේ සංගමයට පත් කර ගත් නව නිලධරයන්ගේ ක්‍රියාකාරිත්වය ලබන අගෝස්තු හය වැනි දා තෙක් යළි අත්හිටුවන ලෙස ගල්කිස්ස දිසා අධිකරණය අද (24) නියම කළේය.
රජයක් විසින් කළයුතුව ඇත්තේ චිත්‍රපට නිර්මාණ කරුවන්ව දිරිමත් කිරීම වුවද පවතින රජය ක්‍රියා කරන්නේ ඔවුන්ව අධෛර්මත් වන අයුරින් බව ප්‍රවීන චිත්‍රපට අධ්‍යක්ෂක හා නිශ්පාදක ආචාර්ය සෝමරත්න බාලසූරිය මහතා පවසයි.
පෙත්සම් කාරක සභාවේ නියෝග ක්‍රියාත්මක නොවන බවට සජිත් ප්‍රේමදාස මහතා කළ ප්‍රකාශයට විරෝධය පළ කළ කතානායක චමල් රාජපක්ෂ මහතා ඇහිදගෙන එන්නේ නැතුව කරුණු දැනගෙන කාතකරන ලෙස තරයේ අවවාද කළේය.
වෛද්‍ය රංජනී ගමගේ රජයේ වෛද්‍ය නිලධාරීන්ගේ සංගමයට අපහාස වන අයුරින් සිදුකළ මාධ්‍ය ප්‍රකාශය සම්බන්ධව නීති මගින් කටයුතු කිරිමට එම සංගමය තීරණය කර ඇත.
බොදුබල සේනා සංවිධානයේ මහලේකම් ගලබොඩඅත්තේ ඥානසාර හිමියන්ගේ වෛරී සහගත ප්‍රකාශ හා සංකේත අන්තර්ගත බැවින් ෆේස් බුක් ගිණුම අහෝසි කිරීමට තීරණය කළ බව ෆේස් බුක් බලධාරීන් විසින් නිකුත් කළ නිවේදනයක දැක්වේ.
යුද හමුදා පොලිසියේ ලාන්ස් කෝප්‍රල් වරයකු නිල ඇඳුමෙන් පැමිණ අඟුලානේ දී රුපියල් 500ක පැකට්ටුවක් මිලදී ගනිද්දී අත්අඩංගුවට ගත් බව අඟුලාන පොලිසිය කියයි.
