ආණ්ඩුව, රාජ්‍ය මාධ්‍ය සම්බන්ධ අතීත සම්ප්‍රදාය වෙනස් කළ යුතුයි
ජීවිත තර්ජන නිසා රටින් බැහැර වූ මාධ්‍යවේදීන්ට යළි සියරට පැමිණෙන මෙන් නව ආණ්ඩුව කරන ඉල්ලීම සම්බන්ධයෙන් ප්‍රතිචාරය පළ කරන ශ්‍රී ලංකාවේ ප්‍රජාතන්ත්‍රවාදය සඳහා වන මාධ්‍යවේදීන්ගේ සංවිධානය(JDS) පැරණි පාලනයෙන් නව පාලනයට එකතු වී සිටින කලින් රාජ්‍ය මාධ්‍ය දඩයමට වගකිව යුතු දේශපාලනඥයන් තමන් එම අතීත සම්ප්‍රධායයෙන් කැඩී ඇති බව පළමුව පෙන්නුම් කළ යුතුව ඇතැයි කියා සිටියි.
මහින්ද රාජපක්ෂව ශ්‍රි ලංකා නිදහස් පක්ෂයෙන් නෙරපීම සඳහා ශ්‍රීලනීපයේ උපදේශකවරිය වන හිටපු ජනාධිපතිනි චන්ද්‍රිකා බන්ඩාරනායක මහත්මිය විසින් කුමන්ත්‍රණය කරන්නේ යැයි කියමින් රාජපක්ෂගේ ගෝල බාලයෝ පිරිසක් මේ මොහොත් ශ්‍රී ලනිප මුලස්ථානය ඉදිරිපිට උද්ඝෝෂණය කරමින් සිටී.
ජාතික ආණ්ඩුවකට එකතුවන්න, ජනපති ජාතිය අමතමින් සියලු පක්ෂවලින් ඉල්ලා සිටී
සර්ව පාක්ෂික රජයක් පිහිටුවීම සඳහා තමන් සමග එක්වන්නැයි ජනපති මෛත්‍රිපාල සිරිසේන මහතා පාර්ලිමේන්තුව නියෝජනය කරන සියලු මන්ත්‍රීවරුන්ගෙන් අද (11) මහනුවර දළදා මාළිගයේ පත්තිරිප්පුවේදී ජාතිය අමතමින් ඉල්ලා සිටියේය.
රාජපක්ෂගේ මිලිටරි කුමන්ත්‍රණය පරාජය කළේ රාජ්‍ය නිලධාරීන්.(video)
හිටපු ජනාධිපති මහින්ද රාජපක්ෂ සිය පරාජය හමුවේ හමුදාව යොදවා තවදුරටත් බලය රඳවා ගැනීම සඳහා කල උත්සහය ගැන හෙළිදරව් කිරීමක් එජාප පාර්ලිමෙන්තු මන්ත්රී මංගල සමරවීර මහතා විසින් අද උදැසන පැවැති මාධ්‍ය සාකච්ඡාවකදී සිදුකළේය.
යෝශිත රාජපක්ෂ මහතාට අයත් 'සිංහ එෆ් එම්' මාධ්‍ය ආයතනයේ මාධ්‍යවේදීන්ට පෙර්දා සිට මෛත්‍රීපාල සිරිසේන මහතාගේ මාධ්‍ය මෙහෙයුම් කමි‍ටුවේ කටයුතු කළා යැයි කියන පුද්ගලයකු විසින් දුරකතන ඇමැතුම් ලබාදෙමින් මරණිය තර්ජන එල්ල කරමින් සිටින බව වාර්තාවේ.
විවිධ ව්‍යාපෘතිවලින් පසුගිය රජය සිදුකළ වංචා හා දුෂණ පිළිබඳ තොරතුරු තමන් වෙත ලබා දෙන්නැයි ජාතික හෙළ උරුමයේ මහලේකම් පාර්ලිමේන්තු මන්ත්රී පාඨලි චම්පික රණවක මහතා ජනතාවගෙන් ඉල්ලා සිටී. පිටකෝට්ටේ ප‍්‍රදේශයේ අද (11) පැවැත්වු මාධ්‍ය හමුවකට එක්වෙමින් පාඨලි චම්පික රණවක මහතා මේ බව කියා සිටියේය.
නිමල්ට අනුරට සුසිල්ට ඇමැතිකම්. ශ්‍රිලනීප මන්ත්රී 54ක සහය අගමැතිට. රාජපක්ෂ හාන්සියි.
මෛත්‍රීපාල සිරිසේන ජනාධිපතිවරයා විසින් නම් කිරීමට නියමිත නව කැබිනට් මණ්ඩලයට රාජපක්ෂ ආණ්ඩුවේ හිටපු ඇමැතිවරුන් වන නිමල් සිරිපාල ද සිල්වා, අනුර ප්‍රියදර්ශන යාපා සහ සුසිල් ප්‍රේමජයන්ත මන්ත්‍රීවරුන්ද අයත් බව අණාවරණය වේ.
මැදමුලන රාජපක්ෂ නිවස හා එම ප්‍රදෙශයන් හී ඇති අනෙකුත් රාජපක්ෂ පවුලේ නිවාස හා ගොඩනැගිලි සම්බන්ධයෙන් ආරක්ෂක අංශවල අවධානය යොමුවී ඇත. ඊට හේතු වී ඇත්තේ විශාල අවි ආයුධ ප්‍රමාණයක් සහිත ගබඩාවක් රාජපක්ෂ පවුල සතුව ඇති බව හෙළි වීමය.
