අන්තර් විශ්ව විද්‍යාලයීය ශිෂ්‍ය බලමණ්ඩලයවිසින් සංවිධානය කෙරුණු විරෝධතාව පිළිබඳව පළ වූ පුවත් වාර්තා සම්බන්ධයෙන් අප කාර්යාලයේ අවධානය යොමු වී ඇත.

ජනතා විමුක්ති පෙරමුණ මීළඟ පාර්ලිමේන්තුවේ විපක්ෂ නායක ධුරය ඉලක්ක කරමින් දේශපාලන වැඩ පිළිවෙලක සකස් කරමින් තිබෙන බව එම පක්ෂ ආරංචි මාර්ග පවසයි.

යුක්රේන කැරලිකරුවන්ට අවි සැපයීමේ චෝදනාවට ලක්ව සිටින රුසියාවේ ශ්‍රී ලංකා තානාපති වශයෙන් සිටි උදයංග වීරතුංග සමග හවුල් ව්‍යාපාරයක් පවත්වාගෙන ගිය රණවීර කළුආරච්විගේ නොයෙල් රණවීර නැමැත්තාගේ මරණය සැක සහිත බවට එම ඥාතීන් කළ චෝදනාව හේතුවෙන් නොයෙල් රණවීරගේ දේහය ගොඩගෙන පරීක්ෂා කිරීමට අධිකරණය අද අවසර ලබා දී තිබේ.

නුදුරේම උතුර පළාත සහ ඉන්දියාව ඒකාබද්ධ කිරීම සිදුවනු ඇති බව ඇති බව එක්සත් ජාතීන්ගේ සංවිධානයේ ජිනීවාහි හිටපු ශ්‍රී ලංකා නිත්‍ය නියෝජිත ආචාර්ය දයාන් ජයතිලක මහතා පවසයි.

මහින්ද රාජපක්ෂ රෙජීමයට එරෙහිව දිවි නොතකා කටයුතු කළ එජාප සන්නිවේදන බලකායට අයත් වෙබ් සහ සමාජ ජාල ක්‍රියාකාරිකයින්ට ඊයේ දිනයේදී (31) අරලිය ගහ මන්දිරයට ගෙන්වා අග්‍රාමාත්‍ය රනිල් වික්‍රමසිංහ මහතා තේ පැන් සංග්‍රහයක් ලබා දී තිබේ.

භාණ්ඩාගාර බැඳුම්කර නිකුතුවේදී අවුලක් වී තිබෙන බව ප්‍රතිපත්ති සම්පාදක හා ආර්ථික කටයුතු නියෝජ්‍ය ඇමැති ආචාර්ය හර්ෂ දි සිල්වා මහතා පවසයි. ඊයේ (31) සිරස ඉලක්කය වැඩසටහනට සහභාගී වෙමින් ඔහු මේ බව පැවැසීය.

ගල්කිස්ස පොලීසිය විසින් අත් අඩංගුවට ගන්නා ලද තම පියා සම්බන්ධයෙන් විමසීමට මව සමඟ පොලීසියට ගිය මොහොතේ ඊට පිළිතුරු දීම ප්‍රතික්ෂේප කළ පොලිස් අධිකාරී ඇතුළු පොලිස් නිළධාරීන් විසින් එම දැරිය ලවා ගීත ගායනා කරවාගෙන ඇති බව වාර්තාවේ.