ස්වාධීන රූපවහිනියේ අටපට්ටම හා දොරමඬලාව නම් ජනප්‍රිය වැඩසටහන් ඉදිරිපත් කළ හසන්ත හෙට්ටි ආරච්චි මහතා පසුගියදා ජාතික හෙළ උරුමයේ නායකයකු හමු වී තමන් දිගටම වැඩ කළේ මෛත්‍රීපාල සිරිසේන මහතාට බැවින් තමන්ට නව ආණ්ඩුව යටතේ ස්වාධීන රූපවාහිනියේ නියෝජ්‍ය සාමාන්‍ය අධිකාරී(වැඩසටහන්) තනතුර ලබා දෙන ලෙස බැගෑපත්ව වැඳවැටී තිබේ.

තමා සමග පෙම් සබඳතාවයක් තිබූ අවදියේ හිටපු ජනාධිපති පුත් යෝෂිත රාජපක්ෂ, තමාගේ සමීපතම මිතුරෙකු වූ මුස්ලිම් ජාතික රග්බි ක්‍රීඩක මොහොමඩ් වසීම් තාජුඩීන් මීට වසර 5 කට පමන ඉහතදී එනම් 2009 වසරේදී කොළඹ 05, පාක් පාරේදී, මරා දැමූ බවට යසාරා අබේනායක චෝදනා කර සිටී.

වර්තමානය වන විට විවිධ කඩාකප්පල්කාරී සංවිධාන එක්වී රට ඉදිරියට ගෙන යාමට ලබා දුන් ජනතා කැමැත්ත ආපස්සට හැරවීමට උත්සාහ දරන බව බොදුබල සේනා සංවිධානයේ කම්කරු අංශයේ නායකයා මෙන්ම සමස්ත ලංකා ආපන ශාලා හිමියන්ගේ සංවිධානයේ සංවිධායක ලෙස කටයුතු කරන අසේල සම්පත් මහතා පවසයි.

සමාව ඉල්ලා සිටින ලෙසත්, සමාව දෙන ලෙසත් ප්‍රැන්සිස් පාප් වහන්සේ තමන් ශ්‍රී ලංකාවේදී ප්‍රසිද්ධ දේව මෙහෙයක් පැවැත්වූ මුල්ම කතෝලික සිද්ධස්ථානය වන මරද මඩු මාතා දේවස්ථානයේදී ඉල්ලා සිටියහ.

උතුරු පළාත් සභාවේ විපක්ෂය නියෝජනය කරන සමස්ත ලංකා ජනතා කොන්ග්‍රසයේ උතුරු පළාත් සභාවේ විපක්ෂ නායක තනතුර ලබා ගැනීමේ උත්සාහයක නිරතවන බව දැන ගැනීමට තිබේ.