සෞඛ්‍ය අමාත්‍යාංශය කෙහෙළිය රඹුක්වැල්ල මහතා පවසන්නේ නියමිත කාලය දීර්ඝ කරන්නේද යන්න පිළිබඳව රජය මෙතෙක් තීරණය කර නොමැති බවයි. කොරෝනා වෛරසය ව්‍යාප්තිය මධ්‍යයේ රට වසා දමන ලෙස විවිධ පාර්ශවවලින් කෙරෙන ඉල්ලීම් හේතුවෙන් 21 වනදා සිට 30 වනදා දක්වා හුදෙකලා ඇඳිරි නීතිය ක්රියාත්මක කිරීමට රජය පසුගිය 20 වනදා තීරණය කර තිබුණි.
කොවිඩ් අරමුදලට කැබිනට් අමාත්‍යවරුන්ගේ වැටුප පරිත්‍යාග කෙරේ !
කොවිඩ් -19 අරමුදල සඳහා කැබිනට් අමාත්‍යවරුන්ගේ අගෝස්තු මස වැටුප පරිත්‍යාග කිරීමට තීරණය කර තිබේ.
ඇෆ්ගනිස්ථානයේ රැඳී සිටින ශ්‍රී ලාංකිකයින් ඉවත් කර ගැනීමට ශ්‍රී ලංකා රජය සූදානම් වෙද්දී එහි සිටින විසිදෙනකු තලේබාන් පාලනය යටතේ එරටම රැඳී සිටීමට කැමැත්ත පළ කර ඇත.
නිරෝධායන ඇඳිරිනීතිය පැනවීම හේතුවෙන් ජීවනෝපාය අහිමි වූ පුද්ගලයින් සඳහා රජය ලබාදෙන රුපියල් 2,000සේ දීමනාව අද (23) දිනයේ සිට ලබාදීමට නියමිතයි.
කොවිඩ්-19 වෛරසය මර්දනය කිරීම සදහා රජය විසින් ගෙන යන එන්නත්කරණය කිරීමේ වැඩසටහනට අනුව අද (23) දිනයේ ද ස්ථාන කිහිපයකම එම වැඩසටහන් ක්රියාත්මක වේ.
තවත් ෆයිසර් එන්නත් තොගයක් සහ සයිනොෆාම් එන්නත් මිලියනයක් !
ශ්‍රී ලංකාවේ එන්නත්කරණ වැඩසටහන වෙනුවෙන් ෆයිසර් එන්නත් මාත්‍රා 76,000ක තොගයක් අද (23) උදෑසන මෙරටට රැගෙනවිත් තිබේනවා .කටාර් ගුවන් සේවයේ භාණ්ඩ ප්‍රවාහන ගුවන් යානයකින් එම එන්නත් මාත්‍රා තොගය රැගෙනවිත් ඇති බවයි වාර්තා වෙන්නේ.
රට වැහිල්ලෙන් දිනකට රු. බිලියන 15 ක් අහිමි වෙනවා - කබ්රාල්
මේ වන විට ක්රියාත්මක ඇඳිරි නීති තත්වය නිසා එක් දිනකදී දළ ජාතික නිශ්පාදනයේ වටිනාකම රුපියල් බිලියන 15 කින් පමණ අහිමි වන බවත් රට වසාදමන කාලසීමාව අඩුකර ගැනීමට කටයුතු නොකළහොත් විවිධ දුෂ්කරතාවන්ට මුහුණදීමට සිදුවනු ඇති බව මුදල් රාජ්‍ය අමාත්‍ය අජිත් නිවාඩ් කබ්රාල් පවසයි.
පවතින වසංගතය හමුවේ රට මුහුණ පා ඇති බරපතල ආර්ථික කඩා වැටීම් හේතුවෙන් තම වැටුප කොවිඩ් 19 අරමුදලට පරිත්‍යාග කිරීමට තීරණය කළ බව වෙළද අමාත්‍ය බන්දුල ගුණවර්ධන මහතා නිවේදනයක් නිකුත් කරමින් සදහන් කර තිබෙනවා.
