හොඳ තත්ත්වයේ ලොකු ලූණු කිලෝවක් රුපියල් 80ක මිලකට සතොසෙන් මිලදී ගැනීමට අවශ්‍ය කටයුතු යොදා ඇතැයි කර්මාන්ත හා වාණිජ කටයුතු අමාත්‍ය රිෂාඞ් බදියුදීන් මහතා පවසයි.
ආසියානු සූරියන් වූ ශ්‍රී ලංකා දැල්පන්දු කණ්ඩායමේ ජාතික පුහුණුකාරිනිය වූ තිලකා ජිනදාසගේ අදාල තනතුර සඳහා වූ ගිවිසුම් කාලය ආසියානු තරගාවලියත් සමග අවසන් වන බව මේ දිනවල උණුසුම් කතා බහකට ලක් ව ඇත. ආසියානු සූරතාවලියේ අවසන් තරගයට පිවිසීමත් සමග ශ්‍රී ලංකාව ලබන වසරේ පැවැත්වෙන ලෝක දැල්පන්දු සූරතාවලියට සුදුසුකම් ලද අතර එනිසා ඇගේ ගිවිසුම් කාලය එම තරගාවලිය තෙක්ම දීර්ඝ විය යුතු බවට අදහස් පල වේ.
ඩී.ඒ. රාජපක්ෂ කෞතුකාගාරය ඉදි කිරීමේදී සිදුව ඇතැයි සැලකෙන මූල්‍ය අවභාවිතයන් සම්බන්ධයෙන් ත්‍රිපුද්ගල විශේෂ මහාධිකරණය හමුවේ විභාග වන නඩුවට අදාළව හිටපු ආරක්ෂක ලේකම් ගෝඨාභය රාජපක්ෂ මහතා ඇතුව 7 දෙනෙකුට විදෙස් ගමන් තහනම් කිරීමට විශේෂ මහාධිකරණය අද නියෝග කළේය.
2009 පසු තරගාවලි තුනේම අනු සූරියන් වූ ශ්‍රී ලංකාව ආසියානු කිරුළ දිනන්නේ වසර 9 ට පසුව ය. මේ ලංකාව ආසියානු සූරියන් වූ පස් වැනි වතාවය.
මින් පසු විවාහ මංගල්‍ය උත්සව සඳහා කොළඹ අරලියගහ මන්දිර පරිශ්‍රයේ ඇති විශාල උත්සව ශාලාව ලබා නොදීමට අග්‍රාමාත්‍ය රනිල් වික්‍රමසිංහ මහතා තීරණය කර ඇතැයි වාර්තා වේ.
සීගිරිය උඩවලයාගම ප්‍රදේශයේ වනජීවි දෙපාර්තමේන්තුවට අයත් අභය භූමියේ ප්‍රාදේශීය සභා මන්ත්‍රීවරයකු පැමිණ යන්ත්‍ර සූත්‍ර දමා පාරක් කැපීමේ සිද්ධියක් සම්බන්ධයෙන් වනජීවී සංරක්ෂණ දෙපාර්තමේන්තුව පරීක්ෂණයක් ආරම්භ කොට තිබේ.
රස්තියාදුකාර බේබදු හොරු රංචුවක් ආණ්ඩු පෙරලන්න හිතාගෙන කොළඹ රස්තියාදු ගැසූ පුවත අනාගතයේදී ජනශ්‍රැතියට එකතු වන විහිළු කතාවක් වනු ඇත. ඒත් ඛේදවාචකය නම්, කොළඹ වටලෑම මීහරක් රංචුවකගේ තප්පුලාලෑමක් බවට පත්ව රාජපක්ෂලා දේශපාලන වශයෙන් බංකොලොත් වීම සැප්තැම්බර් 05 වෙනිදා සනි‍ටුහන් වීමයි. ජනප්‍රිය වීදි සටන් කරුවෙකුව සිටි මහින්ද රාජපක්ෂගේ ප්‍රතිරූපය ඔහුගේ ඔ‍ටුන්න හිමි කුමාරයා විසින් කූජිත කර දැමීම සිදුවිය. නාමල් යළි තමන්ගේ ලඳ බොළඳ නොමේරූකම ප්‍රදර්ශනය කළේ දේශපාලනික තකතීරුවෙක් බව ඔප්පු කරමිනි.
මධූෂ්ගේ පියාගේ අවමඟුලට ගුවනින් මල් : මුදල් කොහෙන්දැයි පරීක්ෂණයක්
රිය අනතුරකින් මිය ගිය තම පියාගේ අවසන් කටයුතු ප්‍රභූවරයකුගේ අවමංගල්‍ය උත්සවයකට සමාන ආකාරයට සිදු කිරීමට පාතාල කල්ලි නායක මාකදුරේ මධූෂ් ඩුබායි සිට තම ඥාතීන්ට මුදල් එවන ලද ආකාරය සෙවීම සදහා ආරක්ෂක අංශ විශේෂ පරීක්ෂණයක් ආරම්භ කර තිබේ.
