ඇවන්ගාඩ් සමුද්‍රාරක්ෂක සමාගමට පාවෙන අවිගබඩාවක් පවත්වාගෙන යාමට හිටපු ආරක්ෂක ලේකම් ගෝඨාභය රාජපක්ෂ මහතා විසින් ඉඩ ලබාදීම මඟින් රජයට කෝටි 1140 ක් පාඩුවක් සිදු කළාය යන චෝදනාව අනුව අල්ලස් හෝ දූෂණ විමර්ශන කොමිසම අධිකරණය හමුවේ නඩු පැවැරීම දේශපාලන න්‍යාපත්‍රයක් අනුව සිදු වුවක් බව ජනාධිපති මෛත්‍රීපාල සිරිසේන මහතා අවධාරණය කර ඇත.

ශ්‍රී ලංකාවේ ජාතික ප්‍රවෘත්ති නියෝජිතායතනයවන ලංකා පුවත් සේවය පසුගිය වකවානුව තුළ පැවැතියේ අතිශය ඛේදජනක තත්වයකය. එම ආයතනය දිගින් දිගටම පසුගිය කාලය තුළ දී ක්‍රියාකරන ලද්දේ පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍යංශය විසින් ලබා දුන් උපදෙස් ද ඉවත දමමිනි. එබැවින් ලංකාපුවත් ජාතික ප්‍රවෘත්ති නියෝජිතායතනය පෞද්ගලික න්‍යාය පත්‍රයක් මත එල්. එන්. සී. නමින් වෙනත් නාමයක් ඔස්සේ දියත් වූයේ දිනෙන් දින අසාර්ථක වෙමිනි.

මේ සුදානම මහජන බැංකුව බංකොලොත් කිරීමට ජවිපෙ දඟලන්නේ ඇයි ? යන්නෙහි දෙවන අංගය ගෙන එන්නටය. අප බලාපොරොත්තු වූ ලෙස දෙවන අංගය අරඹන විට නියම නළුවන් කරලියට පැමිණෙමින් ඇත. වසන්ත සමරසිංහද මදිවූ පසුව කරලිය හිමිකර ගන්නේ සුනිල් හඳුන්නෙත්තිය.

සබරගමු පළාත් ප්‍රධාන ඇමැතිවරයාව සිටින මහීපාල හේරත් මහතා පසුගියදා සිය ආධාරකරුවන් ‍රැසක් සමඟ පැවැත්වූ සාකච්ඡාවකදී කියා ඇත්තේ තමන් ජනාධිපති මෛත්‍රීපාල සිරිසේන මහතාට සමීපව සිටින්නේ පළාත් සභාව විසුරුවා හරින තෙක් පමණක් බවත් ඉන් පසුව මහින්ද රාජපක්ෂ මහතාගේ නායකත්වයෙන් ගොඩනගන නව පක්ෂයට එකතු වන බවත්ය. පසුගිය දිනවලදී ඔහු මහින්ද පිලෙන් ඉවත් වී සිටින අයෙකු ලෙස හැ‍ඟෙන ලෙස කටයුතු කිරීම නිසා ඔහුගේ ආධාරකරුවන් නොසන්සුන් වීම මත මෙම සාකච්ඡාව කැඳවා තිබිණි.

මහජන බැංකුවේ කීර්තිනාමයට හානිකර එය බිඳ දැමීමට මුල්‍ය සමාගම් මාෆියාව දියත්කර ඇති කුමන්ත්‍රණයට ජනතා විමුක්ති පෙරමුණ සෘජුවම සහය පළකර ඇති බව බැංකු වෘත්තීය සමිති ක්‍රියාකාරිකයින් චෝදනා කර සිටියි.

පසුගිය රාජපක්ෂ සමයේදී ඝාතනය කරන ලද රගර් ක්‍රීඩක වසීම් තාජුඩීන් සිදුවීම සම්බන්ධයෙන් වන විමර්ශනවලට අදාලව පරික්ෂාකරන ලද සීසීටීවී දර්ශන වල විමර්ශන වලට සහය දෙන සාක්ෂි කිසිවක් ලැබි නැති බව වාර්තාවේ.

යුධ හමුදා බුද්ධි අංශ විසින් සැලසුම් කර 2009 වසරේ ජනවාරි 08 වෙනිදා අත්තිඩියේදී ඝාතනය කළ මාධ්‍යවේදී ලසන්ත වික‍්‍රමතුංග මහතාගේ මිහිදන්කර ඇති දේහය ගොඩගැනීමට නියමිතය. මේ වන විට බොරැල්ල කනත්තේ එම දේහය මිහිදන් කර ඇති ස්ථානයට දැඩි පොලිස් ආරක්ෂාවක් යොදවා ඇත.