මහින්ද රාජපක්ෂ මහතාට හිටපු ජනාධිපතිවරයා ලෙස රජයෙන් ලබා දී තිබෙන වාහන 21 ක් ඔහුගේ මැතිවරන ප්‍රචාරක කටයුතු වෙනුවෙන් යොදා ගනිමින් සිටී. මෙම වාහන සඳහා ඉන්ධන ලබා දිමට රජයේ වියදමින් ලැබෙන අතර ඔහුගේ ආරක්ෂාවට යොදවා තිබෙන පොලිස් නිළධාරීන් 104 හා හමුදා නිළධාරීන් 105 දෙනාද මේවන විට මැතිවරණ කටයුතු සඳහා යොදවා ඇත. මීට අමතරව තවත් ආරක්ෂක නිළධාරීන් 85 දෙනෙකු ද තමාට අවශ්‍ය බව රාජපක්ෂ මහතා රජයෙන් ඉල්ලිමක් කර ඇත.

හිටපු ජනාධිපති මහින්ද රාජපක්ෂ මහතා යනු හොරු සමඟ ජීවත් වන නායකයෙකු බවත් මෙවරත් හොර නඩයක් පිරිවරා ගෙන මැතිවරණයට පැමිණ අැති බව අර්ජුන රණතුංග මහතා ප්‍රකාශ කළේය.ඔහු මේ බව පැවසුවේ ඊයේ (16) මහර පැවැත්වුණු උත්සවයක් අමතමිනි.

දේශපාලන පක්ෂ වල අර්බුද තිබුණත්, පසුගිය මැතිවරණයේදි මෙන් ෆේස්බුක් ප්‍රෝඩාවට යට නොවී ඡන්ද භාවිත කරන්නැයි හිටපු විපක්ෂ නායක නිමල් සිරිපාලද සිල්වා පැවැසීය. ඊයේ (16දා) බදුල්ල නිදහස් පක්ෂ කාර්යාලයේ පැවැති තරුණ හමුව අමතමින් ඔහු එම අදහස් දැක්වීය.

ජාතීන් සහ ආගම් නියෝජනය කරන සියලූ දේශපාලන පක්‍ෂ තහනම් කරන්නේනම් ඒ හරහා ජාතික සංහිදියාව ගොඩනැගිය හැකි බව රංගිරි දඹුලූ රජමහා විහාරාධිපති පූජ්‍ය ඉනාමළුවේ ශී‍්‍ර සුමංගල හිමියන් පවසයි.

මාධ්‍යවේදී ප්‍රගීත් එක්නැලිගොඩ මහතා රාජපක්ෂ රෙජීමයේ පැහැරගෙන ගොස් අතුරුදන් කර මේ මස 18 වෙනි දිනට දින 2000ක් සම්පූර්ණවෙයි.

මහින්ද රාජපක්ෂ මහතා අගමැති බව කොටසක් කියද්දී පක්ෂයේ නායක ජනාධිපති මෛත්‍රීපාල සිරිසේන මහතා එය ප්‍රතික්ෂේප කරන බව පෙන්වා දුන් අගමැති රනිල් වික්‍රමසිංහ මහතා මෙවැනි අවුල් සහගත මිනිසුන් පිරිසකට රට භාර දෙන්නට තරම් මේ රටේ ජනතාව මෝඩ නොවන බව අගමැති රනිල් වික්‍රමසිංහ මහතා ඊයේ (16) පැවැති ජනරැලිවලදී පැවැසීය.

ජනවාරි 08 වැනිදා සිදු කල කාර්යභාරයේ ඉතිරි ඉනිම දැන් අරඹා අැති බවත් මෙවර අැරඹු සටනින් ලාංකීය සමාජයට අවැසි නියම විමුක්තිය ලබා දෙන බවත් දඹර අමිල හිමියන් පැවසුවේය.දඹර අමිල හිමි මේ බව පැවසුවේ පුරවැසි බලය සංවිධානය විසින් නුගේගොඩ සංවිධානය කර තිබූ රැස්වීමකට ඊයේ(15) සහභාගී වෙමිනි.