මුදල් අමාත්‍යාංශය විසින් සීනි ආනයනය සඳහා වන විශේෂ භාණ්ඩ බද්ද කිලෝවකට ශත 25 සිට රුපියල් 50 දක්වා ඉහළ දැමීමත් සමඟ පිටකොටුව වෙළෙඳපොළේ තොග සීනි කිලෝග්‍රෑමයක් රුපියල් 250 සිට රුපියල් 315 දක්වා ඉහළ ගොස් ඇති බව වාර්තා වේ.

විදේශීය යුද නැව්, ගුවන් යානා සහ පර්යේෂණ යාත්‍රා සඳහා රාජ්‍ය තාන්ත්‍රික අවසරය ලබාදීම සම්බන්ධයෙන් සිදුකළ යාවත්කාලීන කිරීම් පිළිබඳව විදේශ ධුත මණ්ඩල දැනුවත් කිරීමට තීරණය කර තිබේ.

වීසා කාලය දීර්ඝ නොකිරීම හේතුවෙන් ජෝර්දානයේ කර්මාන්ත ශාලාවක සේවයේ නියුතු ශ්‍රී ලාංකික 200කට ආසන්න පිරිසක් පීඩාවට පත්ව සිටින බව වාර්තා වේ.

කීරි සම්බා සහල් කිලෝ එක් දහස් තුන්සිය හැට පහක් සඟවා ගෙන සිටි බවට වරද පිළිගත් නිට්ටඹුව නගරයේ සුපිරි වෙළෙඳ සලකට අත්තනගල්ල අංක 02 මහේස්ත්‍රාත් මංජුල කරුණාරත්න විසින් රුපියල් ලක්ෂයක දඩ නියම කර සහල් තොගය රාජ සන්තක කිරීමට නියෝග කර ඇත.

එළැඹෙන 2024 වසරේ සංවර්ධන ඉලක්ක සාර්ථකව ක්‍රියාත්මක කළ හැකි වන්නේ ණය ප්‍රති ව්‍යුහගත කිරීම සාර්ථක කර ගැනීමෙන් අනතුරුව පමණක් යැයි ප්‍රවාහන, මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන පවසා තිබේ.

2024 වර්ෂය සඳහා වන විසර්ජන පනත් කෙටුම්පත හෙවත් අයවැය වාර්තාව මුදල් අමාත්‍යවරයා ලෙස ජනාධිපති රනිල් වික්‍රමසිංහ විසින් අද (13) දහවල් 12.00 ට පාර්ලිමේන්තුවට ඉදිරිපත් කිරීමට නියමිතව තිබේ.

වරාය නාවික හා ගුවන්සේවා අමාත්‍යංශය විසින් හම්බන්තොට වරායේ ලාබ ඉපයීම් සදහා වැඩසටහන් රැසක් හදුන්වාදීමට පියවර ගන්නා බව නිවේදනයක් නිකුත් කරමින් සඳහන් කර ඇත.

ශ්‍රී ලංකාව ආසන්න පහළ වායු ගෝලයේ කැළඹිලි ස්වභාවයක් වර්ධනය විම හේතුවෙන් දිවයින පුරා වැසි තත්ත්වය තවදුරටත් අපේක්ෂා කළ හැකි බව කාලගුණ විද්‍යා දෙපාර්තමේන්තුව නිවේදනය කරයි.