රටේ එතනෝල් කල්ලිය විසින් මනාප ලබාගැනීමටත් පිල්මාරු කරන අයට දන්සැල් ආකාරයේ සම්පත් බෙදා හැරීමට ප්‍රකෝටි ගණන් වැය කරන බව ජාතික හෙළ උරුමයේ මහ ලේකම්, පාර්ලිමේන්තු මන්ත්‍රී පාඨලී චම්පික රණවක මහතා කියයි.
මෛත්‍රීපාල සිරිසේන මහතා මේ රට භාරගත් වහාම මීගමු වෙරළේ සිට බේරුවල දක්වා වෙරළ තීරය විනාශ කර දමන වරාය නගර ව්‍යාපෘතිය නවතා දමා වෙරළ තීරය රැකගනිමින් මේ රටේ සංචාරක ව්‍යාපාරය දියුණු කිරීමට කටයුතු කරන බව එක්සත් ජාතික පක්ෂ ජාතික නායක රනිල් වික්‍රමසිංහ මහතා සඳහන් කළේය.
2014 දෙසැම්බර් 16 දින ප.ව. 2 දක්වා කාල සීමාව තුල කැෆේ සංවිධානය වෙත මැතිවරණ පැමිණිලි 267 ක් ලැබී ඇත. ගිණි අවි භාවිත කිරීමේ සිදුවීම් 10 ක් ද ඇතුලත් මුඵ ප්‍රචණ්ඩ ක්‍රියා ගණන 33 කි. මේ අතර ප්‍රචාරණ සිදුවීම් 234 ක් වාර්තා වන අතර එයින් වැඩිම සංඛ්‍යාව අනුරාධපුර දිස්ත්‍රික්කයෙන් වාර්තා වෙයි.
කෝට්ටේ නාගරික මන්ත්‍රී රංජන්‍ පොන්නම්පෙරුම, මහනුවර මහනගර සභාවේ හිටපු එක්සත් ජනතා නිදහස් සන්ධාන මන්ත්‍රී අතුල සෙනරත් හා ජා ඇල හිටපු නගරාධිපති අංජු පෙරේරා ඉදිරි ජනාධිපතිවරණයේදී මෛත්‍රිපාල සිරිසේන මහතාට සහාය දෙන බව අද (16) පැවසුවේය.
දෙමළ ජාතික සන්ධානය හා ඊපීඩීපී සංවිධාන නියෝජිතයන් දෙපිරිසක් අතර ගැටුමක් ඇති වී තිබේ.
අද(16) පෙරවරුවේ යාපනය දිස්ත‍්‍රික් සම්බන්ධීකරණ කමිටු රැස්වීමේදී මෙම ගැටුම සිදුව තිබේ.
පොලිස් සේවයේ තනිකඩ භට නිවාසවල පදිංචි වී සිටින නිලධාරීන්ගෙන් ජල හා විදුලිබිල්පත් අයකර ගැනීම නතර කිරීමට තීරණය කර තිබේ.
නොවැම්බර් 01 දින සිට 26 දින දක්වා චන්ද්‍රිකා කුමාරණතුංග, රාජිත සේනාරත්න, මෛත්‍රීපාල සිරිසේන, දිගම්බරම්, පාඨලී චම්පික රණවක, රනිල් වික්‍රමසිංහ, මංගල සමරවීර මහත්ම මහත්මීන් සිංගප්පූරුවට ගොස් කළ කී දෑ පිළිබඳව රටේ ජනතාවට හෙළි කළ යුතු බව 'නිදහස් මව්බිමේ නීතිඥයෝ' නමැති සංවිධානක් කියා සිටී.
සුපිරි ක්‍රිකට් ක්‍රීඩක මහේල ජයවර්ධන අද(16) තමන් ශ්‍රී ලංකාවේ ක්‍රීඩා කරන අවසන් තරගයට සහභාගි වීමට නියමිතය.
මේ වන විට ටෙස්ට් පිටියෙන් සමු ගෙන සිටින මහේල ජයවර්ධන එළැඹෙන ලෝක කුසලාන තරගාවලියේ දී එක් දින පිටියට සමු දෙන බව මින් පෙර ප්‍රකාශයට පත් කළේය.
