ශ්‍රීලංකන් ගුවන්සේවය ප්‍රතිව්‍යුහගත කිරීමට සූදානම් කරයි.
විනිවිදභාවයෙන් යුත් ප්‍රසම්පාදන ක්‍රියාවලියක් මඟින් තෝරාගනු ලබන ආයෝජකයන්ට ශ්‍රීලංකන් ගුවන් සමාගමේ සැලකිය යුතු කොටස් ප්‍රමාණයක් සහ ආයතනයේ කළමනාකරණය භාර දීම මඟින් ශ්‍රීලංකන් ගුවන්සේවා සමාගම සහ එහි පරිපාලිත සමාගම් ප්‍රතිව්‍යුහගත කිරීම යෝග්‍ය බව හඳුනාගෙන ඇත.
කොළඹ පාරිභෝගික මිල දර්ශකය මත පදනම් වූ උද්ධමනය ගෙවුණු ඔක්තෝබර් මාසයේදී 66.0% දක්වා පහළ ගොස් තිබෙනවා. සැප්තැම්බර් මාසයේදී කොළඹ පාරිභෝගික මිල දර්ශකය මත පදනම් වූ උද්ධමනය ඉතිහාසයේ ඉහළම අගය වූ 69.8% වාර්තා කළ අතර ජාතික පාරිභෝගික මිල දර්ශකය මත පදනම් වූ උද්ධමනය 73.7% තරම් ඉහළ මට්ටමක පැවතුණා.
එක්සත් ජනපදය සහ ශ්‍රී ලංකාව අතර පැවතෙන 74 වසරක අතීත සබඳතා යළි ශක්තිමත් කර ගැනීමට මේ වන විට පියවරගෙන තිබෙන බව ප්‍රකාශ කළ ජනාධිපති රනිල් වික්‍රමසිංහ මහතා රට අසීරුතාවන්ට මුහුණ දුන් සෑම අවස්ථාවකම එක්සත් ජනපදය ශ්‍රී ලංකාවට දැක්වූ සහාය කිසිවිටෙකත් අමතක කළ නොහැකි බව පැවසීය.
ජනාධිපති මන්දිරේ හදන්න කෝටි 36ක මහජන මුදල් වැය කෙරෙයි !
මුවදොර පිටියේ පැවැත්වුණු අරගලය අතරතුරේදී අත්පත් කරගත් ජනාධිපති මන්දිරයට සිදු වූ අලුත්වැඩියාව සඳහා රුපියල් මිලියන 364.8ක් වැයවන බවට රාජ්‍ය ඉංජිනේරු සංස්ථාව ඇස්තමේන්තු ගත කර ඇත.
ද්විත්ව පුරවැසිභාවය සහිත මන්ත්‍රීවරුන් සෙවීමේ වැඩපිළිවෙලක් ආගමන විගමන දෙපාර්තමේන්තුව ආරම්භ කර ඇතැයි දෙපාර්තමේන්තු ආරංචි මාර්ග සඳහන් කරයි.
හම්බන්තොට ඩිස්නිලන්තය පිහිටුවීම සම්බන්ධයෙන් සමාජ මාධ්‍යවල සැරිසරන සංචාරක රාජ්‍ය අමාත්‍ය ඩයනා ගමගේගේ මාධ්‍ය අංශය විසින් නිකුත් කරන ලදැයි කියන මාධ්‍ය නිවේදනය සහ ඇමරිකාවේ වෝල්ට් ඩිස්නි සමාගමේ ලිපිය ව්‍යජ එකක් බව අනාවරණය වේ.
පොහොට්ටුව සුළු පිරිසක් වෙලා.. ලේකම් සාගර කාරියවසම් කියයි.
පොදුජන පෙරමුණ මේ වන විට කොටස් කීපයකට කැඩී වෙන්වී ඇති බවත් තමන් සමඟ එකතුවිය හැකි සුළු පිරිසක් සමඟ හෝ පක්ෂය නැවත ගොඩනගන බවත් එහි ලේකම් නීතිඥ සාගර කාරියවසම් පවසයි.
දකුණු ආසියාවේ ප්‍රථම ඩිස්නිලන්තය හම්බන්තොට ඉදිකිරීමට අදාළ සාකච්ඡා ආරම්භ කිරීම සඳහා සංචාරක රාජ්‍ය අමාත්‍ය ඩයනා ගමගේ ලබන මාසයේ අමෙරිකාවට බලා පිටත් වීමට නියමිතය.
