පැවැති අයහපත් කාලගුණය හා රට තුළ රසායනික පොහොර හිඟ වීම නිසා ඉදිරි සති කිහිපය තුළ උඩරට හා පහත රට එළවළු හිඟයක් සමග මිල ඉහළ යනු ඇති බව සමස්ත ලංකා ගොවිජන සම්මේලනයේ කැඳවුරුම්කරු නාමල් කරුණාරත්න පැවසීය.
කොරෝනා තුන්වැනි රැල්ලේ සිදු වූ මරණවලින් බස්නාහිර පළාතෙන් පසුව පිටපළාත් දිස්ත්‍රික්ක අතරින් වැඩිම මරණ වාර්තා වී ඇත්තේ ගාල්ල දිස්ත්‍රික්කයෙන් බව වාර්තා වේ.
තුන්වැනි රැල්ලේ බලපෑම ආරම්භ වූ අප්‍රේල් 20 න් පසුව පසුගිය බ්‍රහස්පතින්දා (27 වැනිදා) වන විට 706 දෙනකු මියගොස් ඇති අතර ඉන් වැඩිම මරණ කොළඹ දිස්ත්‍රික්කයෙන් වාර්තා විය. එම ප්‍රමාණය 108ක් වන අතර කළුතර 107ත් හා ගම්පහෙන් 71ක් වශයෙන් වාර්තා විය.
කෙසේ වෙතත් බස්නාහිර පළාතෙන් පිට වැඩිම මරණ ගාල්ල දිස්ත්‍රික්කයෙන් වාර්තා වූ අතර එම සංඛ්‍යාවම 87කි. පසුගිය 22 වැනිදා පමණක් ගාල්ලෙන් දහඅටදෙනකු මිය ගිය අතර එම සංඛ්‍යාව දිනක් තුළ දිස්ත්‍රික්කයෙන් වාර්තා වූ වැඩිම කොවිඩ් මරණ සංඛ්‍යාව ලෙසද සටහන් විය.
-පංචාලි අබේසේකර
වාහන පරීක්ෂා කිරීමේදී පුද්ගලයින්ගේ ආත්ම ගරුත්වයට හානි කරන නිලධාරීන්ට විනය ක්‍රියාමාර්ග !
රථ වාහන හා පුද්ගලයින් පරීක්ෂා කිරීමේදී සහ නිරෝධායන නීතිය ක්‍රියාත්මක කිරීමේදී මහජනතාව අපහසුතාවයට පත්වන ආකාරයෙන් කටයුතු නොකරන ලෙස සියලු පොලිස් ස්ථාන වෙත චක්‍රලේඛයක් නිකුත් කරමින් පොලිස්පති චන්දන වික්‍රමරත්න මහතා උපදෙස් ලබාදී තිබේනවා.
ඇතැම් පොලිස් නිලධාරීන් මහජනතාව අපහසුතාවයට පත්වන ආකාරයට පරිභව කරන දිර්ශන මාධ්‍ය ඔස්සේ දක්නට ලැබෙන බවද ,එබැවින් පුද්ගලයන්ගේ ආත්ම ගරුත්වයට හානියක් වන බවද ඔවුන් සමාජය ඉදිරියේ අපහසු තාවයට පත්වන බවද පෙන්වා දී ඇත.
මේ නිසා පුද්ගලයින් හා වාහන පරීක්ෂා කිරීමේදී වහාම ක්‍රියාත්මන වන පරිදි එවැනි ක්‍රියා අත්හිටුවන ලෙස පොලිස්පති චන්දන වික්‍රමරත්න මහතා එම චක්‍රලේඛය මඟින් දන්වා තිබේ.
එවැනි ක්‍රියා වාර්තා වුව හොත් එම නිලධාරීන්ට එරෙහිව විනය ක්‍රියාමාර්ග ගන්නා බවද පොලිස්පතිවරයා පෙන්වා දී ඇත.
-පංචාලි අබේසේකර
විශ්වවිද්‍යාල ප්‍රවේශ අත්පොත සිසුන්ගේ අතට ලැබීමට අවස්ථාවක් !
සංචරණ සීමා තාවකාලිකව ඉවත් කිරීම නතර කිරීමට කටයුතු කළද විශ්වවිද්‍යාල ප්‍රවේශය සඳහා වන අත්පොත සිසුන්ගේ නිවෙස් වෙත ප්‍රවාහනය කිරීමට පොත් අලෙවි සැල්වලට අවස්ථාව පවතින බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණප්‍රකාශ කර තිබේ.
දිවයින පුරා ක්‍රියාත්මක සංචරණ සීමා අඛණ්ඩව ජූනි 7 වනදා අලුයම 4 වන තෙක් ක්‍රියාත්මක කිරීමට රජය තීරණය කර තිබේ.
ඒ අනුව 31වනදා සහ 4 වනදා සංචරණ සීමා ලිහිල් නොකෙරෙනු ඇත.
මහජනතාවට අවශ්‍ය අත්‍යවශ්‍ය භාණ්ඩ නිවෙස්වලට සැපයීමට දිස්ත්‍රික් ලේකම් කාර්යාල සහ ප්‍රාදේශීය ලේකම් කාර්යාල හරහා සිදුකිරීමට නියමිතය.
-පංචාලි අබේසේකර
දිවයින පුරා ක්‍රියාත්මක කරන සංචරණ සීමා හේතුවෙන් බලපත්‍ර ලබාදුන් වෙළෙඳසැල් අධික මිලකට භාණ්ඩ විකිණීම් සිදු කරන්නේ නම් වහාම එම බලපත්‍ර අහෝසි කිරීමට කටයුතු කරන බව රාජ්‍ය අමාත්‍ය ලසන්ත අලගියවන්න ප්‍රකාශ කර තිබෙනවා.
කොවිඩ් ආසාදිතයන් වෙනුවෙන් යුද හමුදාව සහ යුද හමුදා සේවා වනිතා ඒකකය එක්ව සීදුව බ්‍රැන්ඩික්ස් ග්‍රීන් ප්ලාන්ට් ආයතනයේ ආරම්භ කළ නවීන පහසුකම්වලින් යුත් රෝහලට ඊයේ (27 වැනිදා) සිට රෝගීන් ඇතුළත් කිරීම ඇරැඹිණි.
රුසියාවේ නිෂ්පාදිත ස්පුට්නික් V එන්නත් මාත්‍රා 50,000ක් රැගත් යානය ඊයේ (27) රාත්‍රී දිවයිනට ළඟා විය.
එලෙස රැගෙන ආ එන්නත් තොගය පසුව ඖෂධ නීතිගත සංස්ථාවේ විශේෂ අධිශීතකරණ පහසුකම් සහිත ට්‍රක් රථ මගින් කොළඹ පිහිටි එහි ප්‍රධාන ගබඩා සංකිීරණය වෙත රැගෙන ගිය බව වාර්තා වේ.
