නව ඇමැති මණ්ඩලය පත් කිරීම සඳුදා. අගමැති ධුරය හරිනිටම.
නව රජයේ අගමැති ලෙස හරිනි අමරසූරිය මෙනවිය යළි පත් කිරීමට තීන්දු වී ඇති බව වාර්තා වේ.
10 වැනි පාර්ලිමේන්තුවේ අභිනව සභා වාරය ලබන 21 වැනිදා - කටයුතු වෙන ආකාරය ගැනත් දැනුම්දීමක්
10 වැනි පාර්ලිමේන්තුවේ අභිනව සභා වාරය ලබන 21 වැනිදා පැවැත්වෙයි.එදින පාර්ලිමේන්තුවේ ප්‍රධාන වගකීම් පැවරෙන්නේ, පාර්ලිමේන්තු මහ ලේකම්වරිය වෙතයි.
පොලිසිය සීරුවෙන් -පශ්චාත් මැතිවරණ කාලසීමාව සතියක්
මහ මැතිවරණයේ ප්‍රතිඵල ප්‍රකාශ කළ දිනයේ සිට සතියක කාලයක් පශ්චාත් මැතිවරණ කාලසීමාව ක්‍රියාත්මක බව පොලීසිය දැනුම්දෙයි.
අද (16) දින‍ෙයේ සවස් කාලයේදී දිවයිනේ බොහෝ ප්‍රදේශවල ගිගුරුම් සහිත වැසි ඇතිවිය හැකි බව කාලගුණ විද්‍යා දෙපාර්තමේන්තුව පවසයි.
ජාතික ජන බලවේගය ආසන 159 යි. ඡන්ද සංඛ්‍යාව 6,863,186 (61.56%) යි.
2024 මහ මැතිවරණයේ සමස්ථ ප්‍රතිඵලය අනුව ජාතික ජනබලවේගය ආසන 159ක් හිමි කර ගෙන තිබේ.
2024 මහ මැතිවරණයේ එක් එක් දිස්ත්‍රික්කවල ප්‍රකාශිත ඡන්ද ප්‍රතිශතයන් මේ වනවිට නිකුත් කර තිබේ.
ලබන වසර වන විට රෝහල් වලට විශේෂඥ වෛද්‍යවරුන් 3500 කගේ හිගයක්
මෙරට රෝහල් සඳහා විශේෂඥ වෛද්‍යවරුන් අටසියයකගේ පමණ පුරප්පාඩු පවතින බව රජයේ විශේෂඥ වෛද්‍යවරුන්ගේ සංගමය සඳහන් කරයි.
නවක මන්ත්‍රිවරුන් ලියාපදිංචි කිරීම online ක්‍රමයට
මෙවර ද නවක මන්ත්‍රිවරුන් මාර්ගගත ක්‍රමයට පමණක් ලියාපදිංචි කිරීමට පාර්ලිමේන්තුව තීරණය කර තිබේ.
මෙලෙස ලියාපදිංචි කිරීමේ ක්‍රියාවලිය ආරම්භ කෙරෙන්නේ මැතිවරණ කොමිෂන් සභාව විසින් නවක මන්ත්‍රිවරුන්ගේ ලේඛනය ගැසට් කරනු ලැබීමෙන් පසුව ය. එම ගැසට් පත්‍රය නිකුත් කිරීමෙන් අනතුරුව සියලු මන්ත්‍රිවරුන්ට එක් වරක් භාවිත කළ හැකි රහස්‍ය අංකයක් ( OTP ) කෙටි පණිවුඩයක් මගින් පාර්ලිමේන්තුවෙන් යැවෙන අතර මන්ත්‍රිවරු ලියාපදිංචි විය යුතු වන්නේ එම රහස්‍ය අංකය ඇතුළත් කරමිනි.
එලෙස ලියාපදිංචි වන මන්ත්‍රිවරුන් වෙනුවෙන් පාර්ලිමේන්තුවේ මංගල සභාවාරයට පෙර දින දෙකේ (19 සහ 20) පාර්ලිමේන්තු පරිශ්‍රයේ තොරතුරු කවුළුවක් විවෘත කෙරේ. ස්ථාවර නියෝග ඇතුළු අණපනත් මෙන්ම පාර්ලිමේන්තුව සම්බන්ධයෙන් දැනුවත් විය හැකි තොරතුරු එම කවුළුවෙන් මන්ත්‍රිවරුන්ට ලබා ගත හැකි වෙයි. පෙරවරු 9.30 සිට සවස 3.30 දක්වා මෙම තොරතුරු කවුළුව විවෘතව පවතී.
එමෙන් ම එම දින දෙකේදී සියලු මන්ත්‍රිවරුන්ගේ ඇඟිලි සලකුණු හා ඡායාරූප ලබා ගැනීමේ වැඩපිළිවෙළක් ද ක්‍රියාත්මක කෙරේ. ඇඟිලි සලකුණු ලබා ගැනෙන්නේ සභා ගර්භයේ ක්‍රියාත්මත විද්‍යුත් ඡන්ද විමසීමේ ක්‍රියාවලිය වෙනුවෙනි.
මාර්ගගත ක්‍රමයට මන්ත්‍රිවරුන් ලියාපදිංචි කිරීමේ ක්‍රමවේදය ආරම්භ කරන ලද්දේ කොවිඩ් ව්‍යාප්තිය හේතුවෙන් පසුගිය 2020 වසරේ සිට ය. එම පද්ධතියම මෙවරත් ක්‍රියාත්මක කරන බව පාර්ලිමේන්තු ආරංචි මාර්ග කීවේය.
-p.m
