යුද අපරාධ චෝදනා විභාග කිරීම සඳහා ජාත්‍යන්තර විනිසුරුවන්ගෙන් සමන්විත දෙමුහුන් අධිකරණයක කටයුතු තවත් මාස නවයකින් ආරම්භ කෙරෙන බව සඳහන් අද (10) දිවයින පුවත්පතේ මුල් පුවත මෙරට ජාතික සංහිදියාවක් ඇතිවීම වැළක්වීම අරමුණු කර ගනිමින් ඊශ්‍රාලයීය සම්බන්ධතා ඇති (සියෝන්) පෞද්ගලික බුද්ධි අංශයක උපදෙස් මත සකස්කර පලකරනු ලැබුවක් බව විශ්වාස වන්ත ආරංචි මාර්ග වාර්තා කරයි.

මෙරට ගුවන් සේවාවන් වල ‍රැකියා කරන ප්‍රධාන ගුවන් නියමුවන් හා නෞවුකාවල සේවය කරන නාවික කපිතාන් වරු සම්බන්ධයෙන් බල පවත්වන නීතිය කුමක්දැයි මේවන විට ජාත්‍යන්තර වශයෙන් කතා බහට ලක්වෙමින් තිබේ.

රාජපක්ෂ සහෝදරයින්ගේ බලපොරය හේතුවෙන් එම පාර්ශවයේ ඇතිවූ බෙදීම ඡායා කැබිනෙට්ටුව එළිදැක්වීමත් සමඟ තවදුරටත් හෙළිදරව් වෙමින් ඇත.

ජනාධිපති සම්බන්ධීකරන ලේකම්, දික්කසාද නඩු පිළිබඳ විශේෂඥ, නීතිඥ ශිරාල් ලක්තිලක විසින් සිදුකළ තවත් පච වැඩක් අගමැති රනිල් වික්‍රමසිංහ අනාවරණය කරගෙන ඇතැයි වර්තාවේ. එනම් ස්වාධීන රූපවාහිනියේ නිවේදකයකු ලෙස කටයුතු කරන මහේෂ් සේනානායකගේ වැඩ තහනම් කිරීම සඳහා කුමන්ත්‍රණකාරී ලෙස කටයුතු කර ඇත්තේ ශිරාල් ලක්තිලක විසින් බවය. එමෙන්ම මෙම කුමන්ත්‍රණය සඳහා ලක්හඬ ගුවන් විදුලිය බංකොලොත් කළ ස්වාධීන රූපවාහිනියේ ක්‍රියාකාරි අධ්‍යක්ෂක ධනුෂ්ක රාමනායකවද හවුල් කර ගෙන තිබේ. ධනුෂ්ක රාමනායකව මේ සඳහා යොදාගෙන ඇත්තේ ඇමැති පාඨලී චම්පික ගේ උපදෙස් අනුව බවත් හෙළිව තිබේ.

වත්මන් මහ බැංකු අධිපති ඉන්ද්‍රජිත් කුමාරස්වාමි හා හිටපු අධිපති අර්ජුන් මහේන්ද්‍රන් මූල්‍ය හා ආර්ථික් ක්ෂේත්‍රවලට අත් පොත් තැබුවේ ජේ ආර් ජයවර්ධන ජනාධිපතිවරයාගේ යුගයේ මෙරට දීර්ග කාලයක් මුදල් ඇමැතිධුරය හෙබවූ රොනීද මැල් මහතාගේ ගුරුහරුම්කම් මත බව හෙළිවේ. මේ තිදෙනාම ධනෙශ්වර ආර්ථික මොඩලයක් වෙනුවෙන් පෙනී සිටින පුද්ගලයන් වන අතර මෙහිදී කුමාරස්වාමී මහතා ඒ වෙනුවෙන් වූ පර්යේශකයෙක් මෙන්ම ඔහුගේ විශේෂඥ දැනුම ලොව පුරා බෙදා හරින්නකුද වේ.

ආණ්ඩුව ගෙදර යැවීමට කියමින් ශ්‍රීලනිප මහින්ද පාර්ශවය වෙනම දේශපාලන ගමනක් වෙනුවෙන් බදුල්ලෙන් වැඩ ඇල්ලීමට සුදානම් වීමත් සමඟ අන්තවාදී කහකඩ බලකායන් හරහා ආණ්ඩු විරෝධී රැල්ලක් බිහිකිරීමටත් ගෝඨාභය රාජපක්‍ෂව දේශපාලනයෙන් ඉවත් කිරීමේත් මෙහෙයුමක් දියත් කර ඇතැයි වාර්තා වෙයි.