මෙදාපාර, හොර ඡන්ද බෑ, පෙට්ටි මාරු බෑ, කොම්පියුටර් ජිල්මාට් බෑ
මෙවර ජනාධිපතිවරණයේදී ආණ්ඩුවට කිසිදු හොර ඡන්දයක් දැමීමට , ඡන්ද පෙට්ටි මාරු කිරීමට, කොම්පියුටර් ජිල්මාට් කිරීමට හෝ මැරකම්, ප්‍රචණ්ඩ ක්‍රියාකොට ප්‍රතිඵලය වෙනස් කිරීමට හෝ කිසිදු ඉඩක් ලබා නොදෙන බවත් ඒ සඳහා විශේෂ වැඩ පිළිවෙලක් යොදා ඇති බවත් එජාපයේ ජේෂ්ඨ මන්ත්‍රීවරයකු පැවැසීය.
අලි හොරු ජනාධිපතිවරණ ව්‍යාපාරයේ- බලධාරීන්ගෙන් උල්පන්දම්
( වනජීවී සංරක්ෂණ දෙපාර්තමේන්තුව මගින් ගතවූ වසර තුල හෙළිකරගනු ලැබූ අලි පැටවුන් ජාවාරම්වල ඉදිරි විමර්ශන කටයුතුවල වර්තමාන ප්‍රගතිය පිළිබඳ විමසා බැලීමක්)
ශ්‍රී ලංකාවේ වනාන්තර වල දිවි ගෙවූ වන අලි රංචු වලින් කුඩා පැටවුන් පැහැරගෙන විත් රුපියල් කොටි ගණනින් මුදලට විකිණීමේ ජාවාරමක් රට තුල ක්‍රියාත්මක වන බවට පරිසරවේදීන් විසින් දිගින් දිගටම සිදු කරුණු ලැබූ හෙළිදරව් කිරීම් සනාථ කරමින් ගතවූ වසර තුල වනජීවී සංරක්ෂණ දෙපාර්තමේන්තුව විසින් අත්අඩංගුවට ගනු ලැබූ අලි පැටවුන් සම්බන්ධ ඉදිරි විමර්ශන මේ වන විටත් පවතින්නේ ඉතා ඇල්මැරුණු ස්වභාවයකින් බව අවධාරණය කල යුතුය. මේ මහා අහස පොළොව නූහුලන අපරාධය පිටු දැකීම සඳහා අදාල වැරදිකරුවන් සොයා කඩිනමින් නීතිය ක්‍රියාත්මක කර වැරදිකරුවන්ට නිසි දඬුවම් පැනවීම සිදුකල යුතුව තිබුනද වගකිවයුතු පාර්ශව ඒ සම්බන්ධයෙන් නිද්‍රා සහගත පිළිවෙතක් අනුගමනය කරමින් සිටීම ජාතියේ අවාසනාවකි.
මහවැසි සමග ඇති වූ ජල ගැලීම් හේතුවෙන් රටපුරා පානීය ජල මූලාශ‍්‍ර බොහොමයක් දූෂණය වී අැත. ඒ අනුව ඇතැම් වසංගත රෝග ව්‍යාප්තවීමේ අවදානමක්ද පවතින බව වෛද්‍යවරුන් පෙන්වා දේ. හැකි පමණ ජලය උණුකර පෙරා පානයට ගන්නා ලෙසද ඔවුන් ඉල්ලීමක් කරයි.
මලික් , චන්ද්‍රිකාගේ රහස් ජනාධිපතිට කිව්ව බව මව්බිම කියයි
එක්සත් ජාතික පක්‍ෂයේ හිටපුසභාපතිවරයකු මෙන්ම පක්‍ෂයේ ජාතික නායක රනිල් වික්‍රමසිංහ මහතාගේ අති සමීපතමයකු ලෙස සැලකෙන මලික් සමරවික්‍රම මහතා පෙරේදා (27දා) දිනයේදී ජනාධිපති මහින්ද රාජපක්ෂ මහතා සමඟ විනාඩි 20ක පමණ දුරකතන සාකච්ඡාවක් පවත්වා විපක්ෂයේ පොදු අපේක්‍ෂකයා වන මෛත්‍රිපාල සිරිසේන මහතාගේ ඡන්ද ව්‍යාපාරයේ බොහෝ රහස් ජනාධිපතිවරයා වෙත හෙළිකොට ඇති බව දැනගන්නට තිබෙන බව රාජපක්ෂ පවුල් ආණ්ඩුව ආරක්ෂා කිරීම වෙනුවෙන් කැපවී සිටින පාර්ලිමේන්තු මන්ත්‍රී ටිරාන් අලස්ගේ මව්බිම පුවත්පත වාර්තා කර තිබේ.
මහින්දගේ තුන්කල් දැක්මට මොකද වුණේ? හදපු මිනිහත් අතුරුදන් - මෛත්‍රි
ජනාධිපති මහින්ද රාජපක්ෂ මහතාගේ මැතිවරණ ප්‍රකාශය ලෙස එළිදැක්වීමට තිබූ 'තුන්කල් දැක්ම'ට සිදුවූ දෙයක් නොමැති බවත් තුන්කල් දැක්ම නිර්මාණය කළ පුද්ගලයා අභ්‍යන්තර අර්බුද නිසා මැතිවරණ වේදිකාවෙන් පවා අතුරුදන් වී ඇති බවත් විපක්ෂයේ පොදු අපේක්ෂක මෛත්‍රිපාල සිරිසේන මහතා පැවැසුවේය.
