මෙරටින් වාර්ෂිකව ලාදුරු රෝගීන් 2000ක් පමණ වාර්තා වන බවත් ඒ අතරින් 10.9%ක් වයස අවුරුදු 15ට අඩු ළමයින් බවත් සෞඛ්‍ය අමාත්‍යාංශයේ ලාදුරු මර්දන ව්‍යාපාරයේ අධ්‍යක්ෂ විශේෂඥ වෛද්‍ය චම්පා අලුත්වීර පවසයි.
රථවාහනවල ගෙවී ගිය ටයර පරීක්ෂා කිරීම සඳහා අඛණ්ඩ මෙහෙයුමක් අද(22) සිට දින තුනක කාලයක් ක්‍රියාත්මක බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පවසයි.
මාධ්‍යවේදියකු පැහැරගැනීම ගැන කියන්න රාජිත සහ චතුර අද අපරාධ කොට්ඨාසයට
සුජීව ගමගේ නම් මාධ්‍යවේදියාව පැහැරගෙන යෑමේ සිද්ධියට අදාළව ප්‍රකාශයක් ලබාදීම සඳහා හිටපු ඇමැති වෛද්‍ය රාජිත සේනාරත්න සහ ඔහුගේ පුත් චතුර සේනාරත්න යන දෙදෙනා කොළඹ අපරාධ කොට්ඨාසය හමුවේ අද (22 වැනිදා) පෙනී සිටීමට නියමිතය.
තමා දෙවැනි වරටත් ජනාධිපතිවරණයට ඉදිරිපත් වන්නේද නැද්ද යන්න තීරණය කරන්නේ ජනතාව බව ජනාධිපති ගෝඨාභය රාජපක්ෂ මහතා පවසයි.
“ගම සමඟ පිළිසඳර“ වැඩසටහනට අද (20) වලපනේදි එක්වෙමින් ජනාධිපතිවරයා මේ බව සඳහන් කළේය.
බුද්ධ චරිතය, ත්‍රිපිටකය සහ බෞද්ධ සිද්ධස්ථාන පිළිබඳ දුර්මත පතුරවන්නන් ගැන සෙවීමට කමිටුවක්
බෞද්ධ උපදේශක සභාව ඊයේ (19) පස්වරුවේ 09 වැනි වතාවට ජනාධිපති කාර්යාලයේ දී රැස් වූ අවස්ථාවේ ත්‍රෛනිකායික මහා නායක ස්වාමීන්වහන්සේ ජනාධිපතිවරයාගෙන්කළ ලිඛිත ඉල්ලීමට ප්‍රතිචාර ලෙස බුද්ධ චරිතය, ත්‍රිපිටකය සහ බෞද්ධ සිද්ධස්ථාන පිළිබඳ වැරදි අර්ථකතන දෙමින් දුර්මත පතුරවන අය ගැන සොයා බලා ගත යුතු පියවර රජයට නිර්දේශ කිරීමට කමිටුවක් කඩිනමින් ස්ථාපනයට තීරණය කෙරිණ.
කොවිඩ් හමුවේ ව්‍යාපාරිකයින් මුහුණ දෙන ගැටලු විසදීමට ඇමති බන්දුල මැදිහත්වේ
Covid-19 වසංගත අභියෝගය හමුවේ ප්‍රජාවක් ලෙස ව්‍යාපාරිකයින් හට මුහුණ දීමට සිදුවන ප්‍රධාන ගැටලු සහ එම ගැටළු විසදා ගැනීම සඳහා පොළාන්නරු දිස්ත්‍රික් ව්‍යාපාරික සංසද එකමුතුවේ හමුවක් ඊයේ පස්වරුවේ වෙළෙඳ අමාත්‍ය ආචාර්ය බන්දුල ගුණවර්ධනගේ ප්‍රධානත්වයෙන් පුලතිසි චන්ද්‍රමණඩපයේදී පැවැත්විණි.
පවුල් 1200 ක් ආර්ථිකය ගොඩනඟන මිරිස් වගා ව්‍යාපෘතියක්!
පවුල් 1200 ක් ආර්ථිකය ගොඩනඟන මිරිස් වගා ව්‍යාපෘතිය කෘෂිකර්ම අමාත්‍ය මහින්දානන්ද අලුත්ගමගේ මහතාගේ සංකල්පයක් මත පසුගියදා ආරම්භ විය.
බ්‍රිතාන්‍ය මහාධිකරණය මේජර් ප්‍රියංක ප්‍රනාන්දුට එරෙහිව ගොනුකළ නඩුව ඉවතට
එක්සත් රාජධානියේ මහාධිකරණය විසින් ශ්‍රී ලංකා මහ කොමසාරිස් කාර්යාලයේ ආරක්ෂක උපදේශක ලෙස සේවයේ නියුතු ව සිටි මේජර් ජෙනරාල් ප්‍රියංක ප්‍රනාන්දුට විරුද්ධව වෙස්ට්මින්ස්ටර් මහෙස්ත්‍රාත් අධිකරණය මගින් ලබා දී තිබු තීන්දුව ඉවතදමා තිබේන බව වාර්තා වෙනවා.
