ඇස්ට්‍රාසෙනිකා එන්නත් මාත්‍රා 728,460 ක් අද(31) සවස ශ්‍රී ලංකාවට ලැබෙන බව කොරෝනා මර්දන රාජ්‍ය අමාත්‍යාංශය සඳහන් කර තිබේ. එම අමාත්‍යාංශය පැවසුවේ ඒ හා සමාන ප්‍රමාණයක් ලබන සෙනසුරාදා දිනයේ ද ලැබීමට නියමිත බවය. එන්නත් මෙරටට ලැබෙනුයේ ජපානය කොවැක්ස් වැඩසටහන හරහායි.
රාජ්‍ය හා පුද්ගලික අංශයේ කටයුතු සාමාන්‍ය පරිදි ක්‍රියාත්මක කිරීමට අදාළව අන්තර් පළාත් පොදු ප්‍රවාහන සේවා හෙට (01) සිට ආරම්භ කරන බව ප්‍රවාහන රාජ්‍ය අමාත්‍ය දිලුම් අමුණුගම මහතා ප්‍රකාශ කර ඇත.
රට විවෘත කිරීමට ගෙන ඇති තීරණය වෙනස් විය හැකියි - සුදර්ශනී !
රට විවෘත කිරීමට ගෙන ඇති තීරණය වෙනස් විය හැකි බව ප්‍රාථමික සෞඛ්‍ය සහ කොරෝනා මර්දන රාජ්‍ය ඇමතිනී විශේෂඥ වෛද්‍ය සුදර්ශනී ප්‍රනාන්දුපුල්ලේ මහත්මිය පවසනවා.
කොවිඩ් පාලනයට රු.කෝටි 22,300කට වඩා වියදම් වුණා - මුදල් අමාත්‍යාංශ ලේකම්
කොවිඩ් ආසාදිතයන්ගේ හා නිරෝධායනයට ලක් කළ පිරිසගේ ප්‍රතිකාර හා සුභසාධන කටයුතු සඳහා ආණ්ඩුව මේ වන විට රුපියල් කෝටි විසිදෙදහස් තුන්සියයකට අධික මුදල් සම්භාරයක් වැය කර ඇතැයි මුදල් අමාත්‍යාංශයේ ලේකම් එස්. ආර්. ආටිගල මහතා හෙළි කරයි.
මේ වන විට හඳුනාගන්නා කොවිඩ් ආසාදිතයින්ගෙන් සියයට 50කට පමණ ඔක්සිජන් අවශ්‍යතාව පවතින බව රජයේ වෛද්‍ය නිලධාරින්ගේ සංගමයේ, මාධ්‍ය කමිටු සාමාජික වෛද්‍ය ප්‍රසාද් කොළඹගේ මහතා පවසයි.
සංචාරක ක්ෂේත්‍රයේ අවුරුදු 30 ට අඩු අයට එන්නත ලබාදීමට සැලසුම් !
සංචාරක ක්ෂේත්‍රයේ නියුතු අවුරුදු 30 ට අඩු පුද්ගලයින්ට කොරෝනා මර්දන එන්නත් ලබා දීමට සංචාරක සංවර්ධන අධිකාරිය සැලසුම් කර තිබේන බවයි වාර්තා වෙන්නේ.
කොවිඩ් එන්නත් ලබාගැනීම අනිවාර්ය කිරීමේ නීතිරීති ගෙන ඒම සම්බන්ධයෙන් ජනාධිපතිවරයාගේ ප්‍රධානත්වයෙන් අද (30දා) පැවැත්වෙන කොවිඩ් කාර්ය සාධක බලකා රැස්වීමේදී අවසන් තීරණයක් ගැනීමට නියමිත බව කොවිඩ් එන්නත්කරණ කමිටුව සභාපති ජනාධිපති ජ්‍යෙෂ්ඨ උපදේශක ලලිත් වීරතුංග ඊයේ (29දා) පැවැසුවේය.
ජනාධිපති මාධ්‍ය කේන්ද්‍රය ආරම්භ කිරීමේ අවස්ථාවට එක්වෙමින් ඔහු මේ බව කියා සිටියේය.
ශ්‍රී ලංකාව තුළ පවතින සියලු අනර්ථකාරී වෙබ් අඩවි තහනම් කිරීමට පියවර ගන්නා ලෙස කොළඹ අතිරේක මහේස්ත්‍රාත් ලෝචනි අබේවික්‍රම මහත්මිය විදුලි සංදේශ නියාමන කොමිෂන් සභාව වෙත නියෝග කළාය.
