මෙවර ද නවක මන්ත්‍රිවරුන් මාර්ගගත ක්‍රමයට පමණක් ලියාපදිංචි කිරීමට පාර්ලිමේන්තුව තීරණය කර තිබේ.

මෙලෙස ලියාපදිංචි කිරීමේ ක්‍රියාවලිය ආරම්භ කෙරෙන්නේ මැතිවරණ කොමිෂන් සභාව විසින් නවක මන්ත්‍රිවරුන්ගේ ලේඛනය ගැසට් කරනු ලැබීමෙන් පසුව ය. එම ගැසට් පත්‍රය නිකුත් කිරීමෙන් අනතුරුව සියලු මන්ත්‍රිවරුන්ට එක් වරක් භාවිත කළ හැකි රහස්‍ය අංකයක් ( OTP ) කෙටි පණිවුඩයක් මගින් පාර්ලිමේන්තුවෙන් යැවෙන අතර මන්ත්‍රිවරු ලියාපදිංචි විය යුතු වන්නේ එම රහස්‍ය අංකය ඇතුළත් කරමිනි.

එලෙස ලියාපදිංචි වන මන්ත්‍රිවරුන් වෙනුවෙන් පාර්ලිමේන්තුවේ මංගල සභාවාරයට පෙර දින දෙකේ (19 සහ 20) පාර්ලිමේන්තු පරිශ්‍රයේ තොරතුරු කවුළුවක් විවෘත කෙරේ. ස්ථාවර නියෝග ඇතුළු අණපනත් මෙන්ම පාර්ලිමේන්තුව සම්බන්ධයෙන් දැනුවත් විය හැකි තොරතුරු එම කවුළුවෙන් මන්ත්‍රිවරුන්ට ලබා ගත හැකි වෙයි. පෙරවරු 9.30 සිට සවස 3.30 දක්වා මෙම තොරතුරු කවුළුව විවෘතව පවතී.

එමෙන් ම එම දින දෙකේදී සියලු මන්ත්‍රිවරුන්ගේ ඇඟිලි සලකුණු හා ඡායාරූප ලබා ගැනීමේ වැඩපිළිවෙළක් ද ක්‍රියාත්මක කෙරේ. ඇඟිලි සලකුණු ලබා ගැනෙන්නේ සභා ගර්භයේ ක්‍රියාත්මත විද්‍යුත් ඡන්ද විමසීමේ ක්‍රියාවලිය වෙනුවෙනි.

මාර්ගගත ක්‍රමයට මන්ත්‍රිවරුන් ලියාපදිංචි කිරීමේ ක්‍රමවේදය ආරම්භ කරන ලද්දේ කොවිඩ් ව්‍යාප්තිය හේතුවෙන් පසුගිය 2020 වසරේ සිට ය. එම පද්ධතියම මෙවරත් ක්‍රියාත්මක කරන බව පාර්ලිමේන්තු ආරංචි මාර්ග කීවේය.

-p.m

පාර්ලිමේන්තු මැතිවරණයට අදාළව ඡන්ද විමසීම අද පෙරවරු 7.00ට ආරම්භ විය.

දිවයිනේ බොහෝ ප්‍රදේශවල අද (14) සවස 2.00 න් පමණ පසුව වැසි හෝ ගිගුරුම් සහිත වැසි ඇති විය හැකි බව කාළගුණ විද්‍යා දෙපාර්තමේන්තුව පවසයි.

සීමාසහිත ඩබ්ලිව්.එම්. මෙන්ඩිස් සහ සමාගම ඇතුළු ප්‍රමුඛ පෙළේ මත්පැන් නිෂ්පාදකයින් 5 දෙනෙකුට නොවැම්බර් 30 වනදා වන විට රුපියල් බිලියන 8.5 ක හිඟ බදු නොගෙවන්නේ නම්, ඔවුන්ගේ මත්පැන් නිෂ්පාදන බලපත්‍රය අහිමි වීමේ අවදානමකට මුහුණ දීමට සිදුවනු ඇති බව වාර්තා වේ.

ශ්‍රී ලංකාවට එරෙහිව ආර්ථික සම්බාධක පනවන ලෙස එරට නාම් තමිලර් කච්චි ප්‍රධානී සීමන් ඉන්දීය රජයෙන් ඉල්ලා ඇතැයි ‘ද හින්දු’ පුවත්පත වාර්තා කර සිටිනවා.

2024 මහමැතිවරණය හේතුවෙන් දිවයිනේ ඇති සියලු පාසල් සඳහා අද(13) දිනයේ සිට නිවාඩු ලබාදී තිබෙන බව අධ්‍යාපන අමාත්‍යංශය තීරණ තිබෙනවා.