පෙබරවාරි 15 දා සිට නැගෙනහිර යුක්‍රේනයේ සටන් විරාමය ක්‍රියාත්මක කිරීමට එකඟ වූ බව රුසියානු සහ යුක්‍රේන ජනාධිපතිවරු නිවේදනය කර ඇත.
යුක්‍රේන අර්බුදය පිළිබඳව තීරණාත්මක සාකච්ඡාවක් බදාදා පැවැත්වීමට නියමිතව තිබියදී ඊ‍ට පෙර දින නැඟෙනහිර යුක්‍රේනයේ රුසියන් හිතවාදී කැරලිකරුවන් සහ යුක්‍රේන හමුදාව අතර දරුණු සටන් ඇවිලී ගොස් තිබේ.
ඉන්දීය දිල්ලි ප්‍රාන්ත මැතිවරණයෙන් සුවිශේෂී ජයග්‍රහණයක් ආම් ආද්මි හෙවත් පොදු මිනිසාගේ පක්ෂයට හිමිවිය.
උතුරු කොරියාව විසින් අතිශය සූක්ෂම ක්‍රමෝපායික බුද්ධිමය රොකට්ටුවක් පරීක්ෂණ මට්ටමින් අත්හදා බලා තිබේ. එය එරට නාවික හමුදාවේ පරිහරණයට යොදා ගනු ඇතැයි මාධ්‍ය වාර්තා කරයි.
මෙමගින් තහවුරු වී ඇත්තේ උතුරු කොරියාව සිය මිසයිල තාක්ෂණය ප්‍රවර්ධනය කිරීමේ ව්‍යායාමයක යෙදී සිටින බව යයි නිරීක්ෂකයෝ පවසති.
උතුරු කෙරියන් නායක කිම් ජොං-අන්ගේ සුපරික්ෂාව යටතේ, ඊසානදිග නාවික හමුදාව විසින් මෙම අත්හදා බැලීම සිදු කළ බව කොරියන් මධ්‍යම ප්‍රවෘත්ති නියෝජ්‍යායතනය (KCNA) පවසයි. කෙසේවෙතත්, එය සිදු කළේ කවදාද, කුමන ස්ථානයක සිට ද යන්න අනාවරණය කර නැත.
මෙම නැව් ප්‍රහාරක රොකට්ටුව ළඟදී ම උතුරු කොරියන් නාවුක හමුදාවට ලබාදීමට සැලසුම්කර තිබේ. මෙම අත්හදාබැලීමේ සාර්ථකත්වයෙන් උද්ධාමයට පත්වූ උතුරු කොරියන් නායකයා මෙවැනි ක්‍රමෝපායික අති සූක්ෂම ආයුධ සංවර්ධනය කළ යුතු බව පැවසූ බව වාර්තා වේ.
න්‍යෂ්ටික බලවතෙක් වන උතුරු කොරියාව බැලැස්ටික් මිසයිල සහ රොකට් නිපදවීමට එරෙහිව ජාත්‍යන්තර ප්‍රජාව විසින් දැනටමත් දැඩි සම්බාධක පනවා තිබේ.
(dinamina)
ඉන්දීය නීති ශිෂ්‍යාවක 4ට කැපූ ඝාතකයාගේ පාපෝච්චාරණය
ඉන්දියාවේ ලක්නව් ප්‍රදේශයේදී 19 හැවිරිදි නීති ශිෂ්‍යාවක කපාකොටා ඝාතනය කර තිබේ.ඉන්දීය මාධ්‍ය වාර්තා කර ඇත්තේ, පසුගිය පළමු වන දා ගෞරි ශ්‍රීවස්තවා නමැති අදාළ ශිෂ්‍යාව අතුරුදන්ව ඇති බවය.
ඇමරිකානු සන්ධානයේ ගුවන් ප‍්‍රහාරයකින් ඇමරිකානු ප‍්‍රාණ ඇපකාරියක ජීවිතක්ෂයට පත්වූ බවට අයි.එස්. කැරළිකරුවන් සිදුකරන ප‍්‍රකාශ තහවුරු කළ නොහැකි බව ධවල මන්දිරය පවසයි.
ට්‍රාන්ස් ඒෂියා ගුවන් අනතුරින් මියගිය ගණන 31 දක්වා ඉහළට
පසුගිය බදාදා තායිවානයේ සිදුවූ ගුවන් අනතුරින් මිය ගිය සංඛ්‍යාව මේ වන විට 31 දක්වා ඉහළ නැග තිබේ.12 දෙනෙක් තවමත් අතුරුදන්ව සිටින බැවින් මියගිය ප්‍රමාණය තවත් ඉහළ යාමට ඉඩ ඇති බව තායිවාන බලධාරීහු පවසති.
චීනයේ අන්තර්ජාල භාවිතය සම්බන්ධයෙන් පවතින නීති දැඩි කර තිබෙනවා. එරට සමාජවාදී දේශපාලන ක්‍රියාපිළිවෙතට අන්තර්ජාලය හරහා එල්ල වන බලපෑම් වැලැක්වීමේ අරමුණින් මෙම නීති දැඩි කර ඇතැයි පැවසේ .
