ඊයේ (13) දිනය තුළ පුද්ගලයින් 337,445ක් සඳහා එන්නත් ලබා දෙමින් මෙරට වැඩිම දෛනික කොවිඩ් මර්දන එන්නත්කරණය සිදුකර තිබෙන බව වාර්තා වේ.
කොරෝනා වසංගත තත්වය පැවැති 2020 වර්ෂයේදී පවත්වා ඇති වැඩ වර්ජන 28කින් මිනිස් දින විසි දෙදහස් පන් සිය අනූවක් (22,590) රටට අහිමි වී ඇතැයි ශ්‍රී ලංකා මහ බැංකුව පවසයි.
මුතුරාජවෙල රක්ෂිත අභය භූමි කලාපය තුළ සිදුකෙරෙන වැලි ගොඩදැමීම, ඉඩම් කට්ටි කිරීම,නවසර ඉදිකිරීම් මෙන්ම නීතිවිරෝධී ක්‍රියා වැළැක්වීමේ රිට් ආඥාවක් නිකුත් කරන ලෙස ඉල්ලා ඉදිරිපත් කළ පෙත්සම් සලකා බැලීමට දින නියම කර තිබේනවා .
ඉන්දියාවේ කේරළ ප්‍රාන්තයේ සීඝ්‍රයෙන් පැතිර යන සිකා වෛරසය මෙරටට ඇතුළු වීම වළක්වා ගැනීමට බලධාරීන් දැඩි අවදානයක් යොමු කල යුතු බව ළමා රෝග පිළිබඳ විශේෂඥ වෛද්‍ය දීපාල් පෙරේරා මහතා අවධාරණය කරයි.
කාබනික පොහොර විප්ලවය ආපසු හැරවීමට කිසිසේත්ම ඉඩ නොතබන බව නව මුදල් අමාත්‍ය බැසිල් රාජපක්ෂ මහතා අවධාරණය කරයි.
වෘත්තීය සමිති නායකයන් වන ජෝෂප් ස්ටාර්ලින් සහ පෙරටුගාමී පක්ෂයේ දුමින්ද නාගමුව ඇතුළු පිරිස අද (12 වැනිදා) වන විට පී.සී.ආර්. පරීක්ෂණයකට ලක්කර නිරෝධායන මධ්‍යස්ථානවලින් නිදහස් කිරීමට කටයුතු නොකළහොත්,හෙට (13 වැනිදා) සිට රටපුරා දැවැන්ත වෘත්තීය ක්‍රියාමාර්ග ක්‍රියාත්මක කරන බව කොළඹදී ඊයේ පැවැති මාධ්‍ය හමුවකදී වෘත්තීය සමිති නායකයෝ පැවසූහ.
ලිට්රෝ සහ ලාෆ් ගෑස් සමාගම් වෙළෙඳපොළට හඳුන්වා දුන් ලීටර දහඅටේ ගෑස් සිලින්ඩර රුපියල් 1150කට අලෙවි කළ යුතු බව පාරිභෝගික කටයුතු පිළිබඳ අධිකාරිය යටතේ ගැසට් නිවේදනයක් නිකුත් කිරීමට වෙළෙඳ අමාත්‍යාංශය පියවර ගැනීමට සුදානම් වේ.
රසායනික පොහොර ආනයනය සදහා නව මුදල් ඇමති අවසර දුන් බවට සමාජජාලා වල පැතිර යන පුවත සම්පූර්ණයෙන අසත්‍ය බව ජනාධිපති මාධ්‍ය ප්‍රකාශක කිංස්ලි රත්නායක මහතා නිල නිවේදනයක් නිකුත් කරමින් " රසායනික පොහොර ආනයනය කිරීමට අවසර ලබා දී ඇති බවට සමාජ මාධ්‍ය වල පැතිර යන පුවත් සම්පුර්ණයෙන් අසත්‍ය යි. කාබනික පොහොර භාවිතයට ජනාධිපතිවරයා ප්‍රමුඛ රජය ගත් ස්ථාවරයේ කිසිදු වෙනසක් නොමැති'' බව සඳහන් කරයි.
